(இ - ள்.) மான்மத சந்தரன் - மான்மத சுந்தரன் என்றும், கொடிய
பழி அஞ்சு சந்தரன் - கொடுமையான பழியஞ்சிய சுந்தரன் என்றும், ஓர்
மருங்கில் - ஒரு பக்கத்தில், ஞானத்தேன் மருவி உறை சோமசுந்தரன் -
உமையம்மையார் விரும்பி உறைகின்ற சோமசுந்தரன் என்றும், தேன் -
வண்டுகள், செவ்வழி யாழ் செய்ய - செவ்வழிப் பண்ணைப் பாட, பூத்த -
மலர்ந்த, கான் மருவு - மணம் பொருந்திய, தடம் பொழில் சூழ் - பெரிய
சோலைகள் சூழ்ந்த, ஆலவாய்ச் சுந்தரன் - ஆலவாய்ச் சுந்தரன் என்றும்,
மீன் கணங்கள் சூழ - உடுத் தொகுதிகள் சூழ, பால்மதி சூழ் - வெள்ளி
சந்திரன் வலம் வருகின்ற, நான் மாடக் கூடல் நாயகன் - நான் மாடக்
கூடனாயகன் என்றும், மதுராபதிக்கு வேந்தன் - மதுராபதி வேந்தன்
என்றும் எ - று.

     கொடிய : பழிக்கு அடை. ஞானவுருவாகிய தேன்; உமாதேவி யார்.
தேன் செவ்வழியாழ செய்ய - வண்டு செவ்வழிப் பண் பாட; செவ்வழி.
நெய்தற் பண். தடமும் பொழிலும் சூழ்ந்த என்றுமாம். (34)

     (இ - ள்.) சிரம் நாலோன் - நான்கு தலைகளையுடைய பிரமன்,
பரவு அரிய - வணங்குதற்கரிய, சமட்டி விச்சாபுர நாதன் - சமட்டி
விச்சாபுர நாதன் என்றும், சீவன் முத்திபுரநாதன் - சீவன் முத்திபுர நாதன்
என்றும், பூ உலக சிவலோகாதிபன் - பூலோக சிவலோகாதிபன் என்றும்.
கன்னி புரேசன் - கன்னி புரேசன் என்றும், யார்க்கும் - எவருக்கும்,
நாளும் - எப்போதும், வரம்தரு - வரம் தருகின்ற, மூல இலிங்கம் என -
மூலலிங்கமென்றும், இவை முதலா - இவை முதலாக, மாடக் கூடல் அரன்
நாமம் - நான்மாடக் கூடலில் எழுந்தருளி யிருக்கும் சோமசுந்தரக்
கடவுளின் திருப்பெயர்கள், இன்னம்அளப்பு இல ஆகும் - இன்னும்
அளவிறந்தனவாம்; அ இலிங்கம் உலகு உய்ய அந்த இலிங்கமானது
உலகத்தார் உய்திகூடுதற் பொருட்டு எ-று.

     அவ்விலிங்கம் என்பது வரும் பாட்டில் முளைத்தெழுந்தது என்பது
கொண்டு முடியும். (35)