எப்பொழுதும், அரன் புகழ் சாற்று - சிவபெருமான் புகழைக் கூறுகின்ற,
சைவ புராண நூல் - சிவ புராண நூல்களாகிய, பொங்கும் இன் சுவை
இமுது - மிக்க இனிய சுவையோடு கூடிய அமுதினை, தன் செவிவாய் திறந்து
- தனது செவியாகிய வாயினைத் திறந்து, புகட்டி உண்டு - (பெரியோர்) ஊட்ட உண்டு, எங்கள் நாயகன் அடி இணைக்கண் - எங்கள் பெருமானாகிய
அவ்விறைவனுடைய இரு திருவடியின் கண்ணும், இருத்தும் அன்பு
கருத்துளான் - பதிய வைத்த அன்பு மிக்க மனத்தினையுடையவன்.

     அங்கம ஆறு - சிட்சை, வியாகரணம், நிருத்தம், கற்பம், சந்தம்,
சோதிடம் என்பன; இவை வேதத்திற்கு உறுப்புக்கள் போறலின் அங்கம்
எனப்படும்; இவற்றின் இயல்பு முன் உரைக்கப்பெற்றமை காண்க. சங்கை -
ஈண்டுச் சிந்தித்தல் என்னும் பொருட்டு. புகட்டி - ஊட்டப்பெற்று. (4)

     (இ - ள்.) முக்கண் நாயகன் - மூன்று கண்களையுடைய இறைவனும்,
முப்புரத்தை முனிந்த நாயகன் - திரிபுரங்களை எரித்தருளிய இறைவனும்,
மங்கை ஓர்பக்க நாயகன் - உமையை ஒரு கூற்றில் வைத்த இறைவனும்,
மிக்க வானவர் பரவும் நாயகன் - சிறந்த தேவர்கள் வழிபடும்
இறைவனுமாகிய, அரவு அணிச்சொக்க நாயகன் ஆடலும் - பாம்பாகிய
அணியினையுடைய சொக்கலிங்க மூர்த்தியின் திருவிளையாடலையும்,
செவியால் முகந்து - செவியினால் மொண்டு, சுவை தரும் தக்க பாலொடு
தேன் கலந்து - சுவையினைத் தருகின்ற சிறந்த பாலுந்தேனுங் கலந்து,
தருக்கி உண்பவன் ஆயினான் - உண்டு களிப்பானாயினன்.

     ஒரு பொருள்மேற் பல பெயர் வந்தன. அரவணி சொக்கநாயகன் என
இயல்பாயின் வினைத் தொகையாகும். சைவ புராணங்களுடன் சோமசுந்தரக்
கடவுளின திருவிளையாடலைக் கேட்டலைப் பாலுந் தேனும் கலந்துண்பதாகக்
கூறினார். உண்டு தருக்குபவனாயினான் எனப் பிரித்துக் கூட்டுக. (5)

     (இ - ள்.) அங்கயற்கண் மடந்தை பாகன் - அங்கயற்கண்ணம்மையை
ஒரு பாகத்திலுடைய சோமசுந்தரக்கடவுளின், அடித்தலம் தொழும் ஆசைமேல் பொங்கி மிக்கு எழும் அன்பனாய் - திருவடிகளை (க் கண்டு)

     (பா - ம்.) * அரவணி சொக்க. +சுவைத்தருந்.