பந்தம் நான் மறையின் ஆர்ப்பும் - பந்தமமைந்த நான்கு வேதங்களின்
ஒலியுமாகிய இவற்றை, செவிகள் ஆரப் பருகினார் - செவிகள் நிறையுமாறு
அடிகள் பருகினார்.

     உணர்த்துவான், வினை யெச்சம். திருப்பள்ளி யெழுச்சியின் பொருட்டுத்
தொண்டர் சூழ என்க. சூழ்ந்து நின்று வந்தனை செய்யும் என்றுமாம். மங்கல
சங்கம் - வலம்புரிச் சங்கம். பந்தம் - தளை. (15)

     (இ - ள்.) போத ஆனந்தச் சோதி - ஞானானந்த ஒளிப்பிழம் பாகிய
இறைவன், புனித மெய்த தொண்டர்க்காக - தூய உண்மைத் தொண்டராகிய
மாணிக்க வாசகர் பொருட்டு, நாதமாம் முரசம் ஆர்ப்ப - நாத தத்துவமாகிய
முரசு ஒலிக்கவும், நரிப்பரி வயவர் சூழ - நரியாகிய குதிரையின் வீரர்
சூழவும், வேதவாம் பரிமேற் கொண்டு - வேதமாகிய தாவுங் குதிரைமேல்
ஏறி யருளி, வீதியில் வரவு காணும் காதலான் போல - வீதியின் கண்
வருதலைக் காணும் விருப்புடையவன் போல, கதிரவன் தேர்மேல் உதயம்
செய்தான் - சூரியன் தேரின் மேல் ஏறி உதயமாயினன்.

     இறைவற்கு முரசம் நாததத்துவ மென்பதனை,

என வரும் திருவாசகத் திருப்பாடல்களானறிக. இது தற்குறிப் பேற்றவணி.
(16)

     (இ - ள்.) கட்டு அவிழ் கடிப்பூஞ் சேக்கை - முறுக்கு அவிழ்ந்த
மணம் பொருந்திய மலரமளியினின்றும், கயல் நெடுங் கண்ணியோடும் -
கயல் போலும் நீண்ட கண்ணையுடைய பிராட்டியோடும், துயில்
உணர்ந்திருந்த துயில் நீங்கி யிருந்த சோமசுந்தரக் கருணை வெள்ளம் பயில்
- சோமசுந்தரராகிய அருள் வெள்ளம் எழுந்தருளிய, நெடுஞ்சிகரம் நோக்கி
- நீண்ட விமானத்தை நோக்கி, பங்கயச் செங்கை கூப்பி - தாமரை மலர்