(இ - ள்.) அருள்பாசம் பூட்டி - அருளாகிய பாசத்தாற் பிணித்து,
உடலில் இருபாதம் பொறித்து - முடியின்கண் இரண்டு திருவடிகளையும்
பொறித்து, அடியாருள் கூட்டி அகப்படுத்து - அடியாருள் ஒருவனாகக்கூட்டி
அகப்படுத்தி, ஆட்கொண்டு அருமை காட்டியவோ - ஆட்கொண்டு
நிதருமையைக் காட்டியவனே, இன்று என்னைக் கைவிட்டாய் - இப்பொழுது
அடியேனைக்கைவிட்டனை; வெய்யர் -கொடிய இத்தண்டலாளர், எனை
ஆட்டி ஒறுக்குமிடத்து - என்னைத் துன்புறுத்தித் தண்டிக்குங் காலத்து,
என்று கொள்வார் ஆர் - தாங்குபவர் யாவர்.

     உடல் தலைக்கு ஆகுபெயர்.

என அடிகள் திருவாசகத்தில் அருளிச்செய்தல் இங்கே சிந்திக்கற்பாலது.
(23)

     (இ - ள்.) ஊரார் உனைச்சிரிப்பது ஓராய் என்று - ஊரிலுள்ளார்
உன்னை எள்ளி நகையாடுதலை அறியாமலிருக்கின்றாய் என்று கருதி, உன்
அடிமைக்கு ஆராய் - உன் அடிமைக்கு ஆராகியோ (அடியார் போன்று),
அடியேன் அயர்வேன் - அடியேன் அயர்கின்றேன்; அஃது அறிந்தும்
வாராய் - அதனை நீ அறிந்து வைத்தும் வந்தருளினாயல்லை; அரசன் தமர்
இழைக்கும் வன்கண் நோய் பாராய் - மன்னனுடைய ஏவலாளர் செய்யுங்
கொடிய துன்பத்தினைப் பார்த்தருளினாயல்லை; பரமேட்டி உன் தன்மை
இதுவோ - பரமேட்டியே உனது தன்மை இதுவோ.