[கொச்சகக்கலிப்பா]

மட்டவிழுங் கொன்றைச் சடையான் மகவானைத் தொட்ட பழியின் றொடக்கறுத்த வாறீது* பட்டமத வேழம் பரனைப் பராய்முனிவன் இட்டகொடுஞ் சாபநீத் தேகியவா றோதுவாம்.

     (இ - ள்.) மட்டு அவிழும் கொன்றைச் சடையான் மணத்தொடு
மலர்ந்த கொன்றை மலர் மாலையை யணிந்த சடையையுடைய இறைவன்,
மகவானைத் தொட்ட பழியின் தொடக்கு அறுத்தவாறு ஈது - இந்திரனைப்
பற்றிய பழயின்கட்டினை அறுத்த தன்மை இதுவாகும்; படட மத வேழம் -
(இனி) நெற்றிப் பட்டத்தினையும் மதப்பெருக்கினையுமுடைய வெள்ளை
யானையானது, பரனை - அச்சோமசுந்தரக் கடவுளை - பராய் வழிபட்டு,
முனிவன் இட்ட - துருவாச முனிவனால் இடப்பட்ட, கொடும் சாபம் நீத்து
ஏகியவாறு ஓதுவாம் - கொடிய சாபத்தினை நீக்கிச் சென்ற
திருவிளையாடலைக் கூறுவாம் எ - று.

     மட்டு அவிழும் - மணம் விரியும் என விரித்தலுமாம்; மட்டு -
தேனுமாம். அவிழும் மலர் எனச் சினையோடியையும். ஈதென்றது முற்கூறிய
வதனை : சுட்டு நீண்டது. பராவி என்பது பராய் எனத் திரிந்தது. இது
கூறினாம் இது கூறுவாம் என இங்ஙனமாகத்தொகுத்துச் சுட்டுவது ஆன்றோர்
வழக்கமென்பதனைத் திருத் தொண்டர் புராணத்தானும் அறிக. (1)

     (இ - ள்.) கருவாசனை கழிக்கும் - கருப்ப வாசனையைப்
போக்குகின்ற, காசி நகர் தன்னில் - காசிப்பதியில், வேத துருவாசமுனி -
மறைகளை யுணர்ந்த துருவாச முனிவன், தொல் ஆகமத்தின் பெரு
வாய்மையால் - பழைய ஆகமத்தின் சிறந்த உண்மையால், தன் பெயர்
விளங்க - தனது பெயர் விளங்குமாறு, ஈசன் ஒருவா - இறைவன் நீங்காத
ஓளி இலிங்க உருவம் கண்டான் - ஒளிவடிவாகிய சிவலிங்கத் திருவுருவத்தை
நிறுவினான் எ - று.

     பொன்றக் கெடுக்கு மென்பார் ‘வாசனை கழிக்கும்’ என்றார் ஆகமங்
கூறுமுறைமையா லென்க. வாய்மையாற் கண்டான் என முடிக்க. காணுதல் -
பிரதிட்டித்தல். (2)

     (பா - ம்.) * தொடக்கறுத்த வாறோதி.