(இ - ள்.) இனையபாய்மா - இந்தத் தாவுங் குதிரைகள், பண்டு
இம்பர் உலகு உள்ள அல - முன் இந்நில வுலகில் உள்ளன அல்ல; உம்பர்
உலகு ஆளி பரியே கொல் - மேலுலகை ஆளும் இந்திரன் குதிரையோ,
அது ஒன்றே - அது ஒன்றே (ஆதலின் அதுவல்ல); வெம்பரிதி வெம்பரி
கொல் - வெம்மையை யுடைய சூரியனுடைய கடிய குதிரைகளோ, அவைகள்
ஏழ் - அவைகள் ஏழேதான்; ஏழும் பைம்பரிகள் - (அதுவன்றி) அவ்வேழும்
பச்சைக் குதிரைகள் (ஆகலின் அவையுமல்ல; இனைய பாய்பரிகள் யா
என்பார் - (ஆயின்) இத்தாவுங் குதிரைகள் யாவை என (ஒருவரை ஒருவர்)
வினவுவார்.

     இந்திரன் பரி உச்சைச் சிரவம் எனப்படும்; அஃது எண்ணால்
ஒன்றாதலும், சூரியன் பரி எண்ணால் ஏழாதலுடன் பசிய நிறத்தவாயிருத்தலும்
இவற்றொடு வேற்றுமையாம். இச் செய்யுள் ஐயவிலக்கணையின்
பாற்படும். (49)

     (இ - ள்.) பைம் புனல் உடுத்த - கரியகடலை ஆடையாகவுடுத்த -
முது பார் முதுகு கீறும் - பழைய நில மகளின் முதுகினைக் குளம் பாற்
கிழிக்கும் (ஆகலின்), வெம்பணிகளைப்பொர - கொடிய (அனந்தன் முதலிய
பாதலத்தில் வசிக்கும்) பாம்புகளைப் பொருது அழிப்பதற்கு, வெகுண்டு
எழுவதேயோ - சினந்து எழுவதோ (அன்றி), அம்பரம் முகட்டு அளவு -
வானின் முடிவரையும், அடிக்குரம் அழுத்தும் - அடிக்குளம்பினால்
அழுத்தும் (ஆதலின்), உம்பர் உலகைப்பொர - மேலுலகைப் பொருது
அழித்தற்கு, உருத்து எழுவதேயோ - சினந்து எழுவதோ (அறியோ
மென்றும்).

     கீறும் ஆகலின், அழுத்தும் ஆகலின் எனக் காரணச் சொல் விரிக்க.
(50)