(இ - ள்.) இவன் குமரன் - இந்த இராச கம்பீரபாண்டியன் புதல்வன்,
பாண்டிவங்கிய தீபன் - பாண்டிவங்கிய தீபனென்பவன்; அன்னான்
பொன்திணி தடந்தோள் மைந்தன் - அவனுடைய பொன்னிறம் வாய்ந்த
திண்ணிய பெரிய தோள்களை யுடைய புதல்வன், புரந்தரசித்தாம் -
புரந்தரசித்து என்பான்; அவன் சேய் - அவன் மைந்தன், வீரம் பற்றிய -
வீரத்தைப் பொருந்திய, சுந்தரேச பாதசேகரன் - சுந்தரேச பாத சேகர
னென்பவன்.

     மற்று : அசை. வங்கியம் - வமிசம். (3)

     (இ - ள்.) பலர்புகழ் சுந்தரேச பாதசேகரனாம் தென்னன் - பலரும்
புகழ்கின்ற சுந்தரேச பாதசேகரன் என்னும் அப்பாண்டியன், அலைபுனல்
உடுத்த கூடல் அடிகளுக்கு அன்பனாகி - அலையும் நீரையுடைய வையை
சூழந்த கூடலின்கண் எழுந்தருளியுள்ள சோமசுந்தரக் கடவுளுக்கு அன்பனாகி, கொலைபுணர் வேலால் - கொலைத் தொழில் பொருந்திய வேற்படையால்,
வெங்கோல் குறும்பு எனும் களைகள் தீர்த்து - கொடுங் கோலையுடைய
குறுநில மன்னரென்னுங் களைகளைப் போக்கி, மலர்தலை உலகம் என்னும்
வான்பயிர் வளர்க்கு நாளில் - பரந்த இடத்தையுடைய உலகிலுள்ள உயிர்கள்
என்னுஞ் சிறந்த பயிரை வளர்க்கு நாளில்.

     சுட்டு வருவிக்க. குறும்பு - குறுநில அரசு. உலகம் ஈண்டு உயிர்களை
யுணர்த்திற்று. வளர்க்கலுற்றான் அங்ஙனம் வளர்க்கு நாளில் என
விரித்துரைக்க. (4)

     (இ - ள்.) மான்தடந் தேர்பத்து - குதிரை பூட்டிய பெரிய தேர் பத்தும், பனைக்கைமாநூறு - பனைபோன்ற துதிக்கையையுடைய யானைகள் நூறும்,
தத்துமான் நூற்றுப் பத்து - தாவுகின்ற குதிரைகள் ஆயிரமும், மள்ளர் அயுதம்
- காலாள் பதினாயிரமு மாகிய, இவ்வளவே தானை ஈட்டி -