(இ - ள்.) ஐய - ஐயனே, பிட்டு விற்று உண்டு வாழும் பேதையேன்
- பிட்டினை விற்று அதனால் வரும் ஊதியங்கொண்டு உண்டு உயிர் வாழும்
பேதையேனாகி யான், இந்நாள் மட்டும் - இந்நாள் வரையிலும், நின்அருளால்
இடும்பை என்பது எள் துணையேனும் இன்றி - நினது திருவருளால் துன்பம்
என்பது எள்ளளவேனு மில்லாமல், இரவி எங்கு எழுக என்று இங்கு
வைகினேற்கு - சூரியன் எங்கேனும் எழக்கடவன் என்று கருதி இங்கு இருந்த
எனக்கு, மீனவன் ஆணையால் இன்று வந்து விட்டது ஓர் இடையூறு -
பாண்டியன் ஆணையினால் இன்று ஒரு இடையூறு வந்து விட்டது.

     எங்கேனும் என்பது எங்கு எனத் தொக்குநின்றது. எழுக என்பதன்
அகரந்தொக்கது. எங்கு எழுந்தால் எனக்கு வருவதென்னை என்பது கருத்து;

என்னும் திருவாசகமும் காண்க. வந்து விட்டது, விடு துணிவுப்பொருட்டு. (11)

     (இ - ள்.) துணை இன்றி மக்கள் இன்றி - நாயகனுமில்லாமல்
மக்களுமில்லாமல், தமர் இன்றி - கிளைஞருமில்லாமல், சுற்றமாகும்
பணைஇன்றி - நட்பினராய கூட்டமுமில்லாமல், என்று கொள்வார் பிறர்இன்றி
- என்று கொள்ளும் பிறரு மில்லாமல், பற்றுக்கோடாம் புணை இன்றி
துன்பத்து ஆழ்ந்து புலம்புறு பாவி யேற்கு - (இவ்வாற்றால்) பற்றுக்
கோடாகிய புணையின்றித் துன்பமாகிய கடலுள் அழுந்திப் புலம்பும்
பாவியாகிய எனக்கு, இன்று - இப்பொழுது, இந்தத் துன்பம் இணை இன்றி
எய்துவது - இந்தத் துன்பம் ஒப்பின்றி வருவது, எந்தாய் - எமது தந்தையே,
அறனோ - அறமாகுமோ.

     துணை - கணவன். பணை - கூட்டம். இணையின்றி -
இணையில்லையாக. (12)

     (இ - ள்.) தேவர்க்கும் அரியன் ஆகும் தேவனே - தேவர்கட்கும்
அரியனாகிய தேவனே, அன்பராவார்யாவர்க்கும் எளியன் ஆகும் ஈசனே -
அன்பராவார் அனைவருக்கும் எளியனாகிய இறைவனே, வேந்தன் ஆணைக்
காவல் செங்கோலார் சீற்றம் கடுகு முன் - மன்னனது ஆணையை
மேற்கொண்டு காக்கும் செங்கோலை யுடைய அமைச்சர்களின் சினம்
என்பால் விரைந்து வருமுன், கூலியாளாய் ஏவல் செய்வாரைக் காணேன் -