அனுச்சை - அநுஞ்ஞை. மா - வண்டுமாம். மலர்வல்லி - திருமகள்
என்னலுமாம். எண்ணும்மைகள் விரிக்க. இறைஞ்சினாள், எழுந்தாள் :
முற்றெச்சங்கள். (71)

     (இ - ள்.) அடைந்து இளம்பிடி ஆடல்போல் - அப்பதியை அடைந்து
பெண்யானை நீராடுதல்போல, ஆடக கமலம் குடைந்து - பொற்றாமரையில்
நீராடி, நால்மறைக் கொழுந்து - நான்கு வேதங்களின் கொழுந்தாகிய
சிவபெருமான், இடங்கொண்டு உறை குறி பால் - இடமாகக்கொண்டு
எழுந்தருளி யிருக்கின்ற சிவலிங்கத்தின் கண், படர்ந்த பொன்மலை வல்லியை
- படர்ந்த இமயவல்லியாகிய அங்கயற்கணம்மையை. பணிந்து - வணங்கி,
வெங்கதிரோன் - சூரியன் வான் சுறாத் தொடர்ந்த மதியமே ஆதியாத்
தொடங்கா - பெரிய மகர ராசியிற் புகுந்த தைத் திங்கள் முதலாகத்
தொடங்கி எ - று.

     குறிப்பால் எனப் பாடங் கொண்டு, கொழுந்தினது இடப்பா கத்தைக்
கொண்டுறையும் குறிப்போடு என்று பொருளுரைப்பாரு முளர். இமயம்
பொன்மலை யெனப்படுவ துண்டாகலின் ‘பொன்மலை வல்லி’ என்றார்.
வானின் கண்ணுள்ள சுறா என்றுமாம். சுறா - மகரம்; மகர ராசியில்
ஆதித்தன் சேர்ந்திருக்குங் காலம் தை மாதம். ஆதியாக வென்பது
விகாரமாயிற்று. (72)

     (இ - ள்.) பெரும்பகல் நல் ஊண் நுகர்ந்தும் - (தொடங்கிய தைத்
திங்களில்) பெரிய பகற்காலத்தில் நல்ல உணவை உண்டும். கங்குல் ஊண்
நுகர்ந்தும் - (மாசித் திங்களில்) இரவில் உணவு உண்டும், உதவப்பெற்ற
ஊண் நுகர்ந்தும் - (பங்குனித் திங்களில்) கொடுக்கப் பெற்ற உணவு உண்டும்,
இலை முதல் பல் ஊண் நுகர்ந்தும் - (சித்திரைத் திங்களில்) இலை முதலிய
பல உணவுகளை உண்டும், எள் அரும் பொடி ஊண் நுகர்ந்தும் - (வைகாசித்
திங்களில்) எள்ளினது அரிய பொடியாகிய உணவு உண்டும்,