(இ - ள்.) முகை உடைந்து அவிழ்ந்த மாலை முடித்தலை துளக்கி -
அரும்பின் முறுக்குடைந்து விரிந்த மலராலாகிய மாலையையணிந்த
முடியினையுடைய தலையை அசைத்து, தூசு - பல ஆடைகளையும், பகல்
அவிர் மணிப்பூண் நல்கி - சூரியன் போல விளங்கும் மணிக்கலன்களையும்
கொடுத்து, பல் உணாகருவி நல்கி - உணவுக்கு வேண்டிய பல
பொருள்களையும் அளித்து, அகன்மனை வேறு காட்டி - அகன்ற இல்லம்
வேறு காண்பித்து, அரசர் கோன் வரிசை செய்ய - மன்னர் மன்னனாகிய
வரகுண பாண்டியன் சிறப்புச் செய்ய, இகல் அறு களிப்பினோடும் -
பகையற்ற மகிழ்ச்சியோடும், இசை வல்லான் இல்லில் புக்கான் - இசையில்
வல்ல ஏமநாதன் தனக்கு அமைத்த வீட்டிற் சென்றான்.

     கருவி - உபகரணம். அரசன் வரிசை செய்தமையால் இங்கும் தன்னை
வெல்லவல்லார் இலரெனக் கருதி மகிழ்ந்தனனென்பார் 'இகலறு
களிப்பினோடும்' என்றார். (4)

     (இ - ள்.) மீனவன் வரிசை பெற்ற செருக்கினும் - பாண்டியன் செய்த
வரிசைகளைப் பெற்ற செருக்கினாலும், விருதினாலும் - (முன் பல
அரசர்களிடம் பெற்ற) விருதினாலும், மானம் மேல் கொண்டு - பெருமை
மிக்கு, தன்னோடு இன் இசை பாடவல்ல - தன்னுடன் இனிய இசை
பாடுவதற்கு வல்ல, தான யாழ்ப்புலவர் - தானமமைந்த யாழ்ப் புலவர், இங்கு
வேறு இல் எனத் தருக்கும் செய்தி - இங்கு வேறு ஒருவருமில்லை என்று
கருதி இறுமாக்குஞ் செய்தியை, கோன் அறிந்து - பாண்டி மன்னன் அறிந்து,
உழையர்க் கூவி - ஏவலாளரை விளித்து, பத்திரன் கொணர்திர் என்றான் -
நமது பாணபத்திரனை அழைத்து வாருங்கள் என்று ஏவினான்.

     தானம். இசை தோன்றுமிடம். தருக்கினான் அங்ஙனந் தருக்குஞ்
செய்தியை என விரித்துரைக்க. உழையர் - ஒற்றர். (5)

     (இ - ள்.) உழையரால் விடுக்கப்பட்ட பத்திரன் - அவ்வொற்றரால் அழைத்து வரப்பட்ட பாணபத்திரன், உவரி வென்றோன் கழல் பணிந்து - கடலை வென்ற பாண்டியன் அடிகளை வணங்கி, அருகு நிற்ப - பக்கத்தில் நிற்க, கௌரியன் நோக்கி - பாண்டியன் அவனைப் பார்த்து, பாணி பழகு இசை வல்லானோடும் - பாடுதல் பயின்ற இசை வல்லனாகிய ஏம