(இ - ள்.) என்று பல முறையாலே துதித்து - என்று பல
முறையினாலே வழுத்தி, அடைந்தோர்க்கு அன்பர் இவர் - தன்னடியினை
அடைந்தவர்க்கு அன்பராவாரிவர்; இவரைத் தேறின் - இவரைத் தெளிந்தால்,
இகபர போகம் - இம்மை மறுமையின்பங்களையும், வீடு - முத்தியின்
பத்தையும், நன்றும் பெறல் எளிது என்று - பெரிதும் அடைதல் எளிதென்று
கருதி, நகைத்தார் வேந்தன் - ஒளி பொருந்திய மாலையை யணிந்த மன்னன்,
அன்று - அந்நாள் முதல், திருப்பணி பூசை பிறவும் - திருப்பணியும்
பூசனையும் பிறவும், நனிவளம் பெருக்கி - மிகவும் பொலிவுற நடத்தி, அழகு
ஆர் வெள்ளிமன்று உடையான் அடிக்கு அன்பும் - அழகு நிறைந்த வெள்ளி
யம்பலமுடைய இறைவனது திருவடிக்கண் அன்பும், உயிர்க்கு அன்பும் சுரந்து
ஒழுகி வாழும் நாளில் - உயிர்களிடத்து அன்பும் சுரந்து
வாழ்ந்தொழுகும்போது.

     பிறவும் என்றது திருவிழா முதலியவற்றை அடிக்கு உயிர்க்கு
என்பவற்றில் நான்கனுருபு ஏழன் பொருளில் வந்தன. உயிர்க்கன்பு என்புழி
அன்பு அருளுமாம். (88)

     (இ - ள்.) அறம் தெரிந்த முறையால் ஈட்டும் தன் பொருள் -
அறநெறியினை ஆராய்ந்தறிந்த முறையினால் ஈட்டிய தனது பொருள், முன்பு
பெருந்துறையார்க்கு அடியார்க்கும் போய் - முன்னம் பெருந்துறை
இறைவரிடத்தும் அவரடியாரிடத்தும் வாதவூரடிகளாற் சென்று, உடன் -
உடனே, பலவாய் தழைத்து வருபயனே போல் - பல வகையாய்த் தழைத்து
வரும் பயனேபோல, தலை உவாவின் நன்பனி கால் மதிகண்ட உவரிஎன
பூரணையில் நல்ல குளிர்ந்த நிலவினை வீசும் சந்திரனைக்கண்ட கடல்
பொங்குதல்போல, பல செல்வம் நாளும் ஓங்க - பல வகைப்பட்ட செல்வம்
நாள்தோறும் மிக்கோங்க, இன்புறுவான் - இன்பமுறும் அவ்வரி மருத்தன
பாண்டியன்; சகநாதன் எனும் மகப்பெற்று - சகநாதன் என்னும் புதல்வனைப்