[கொச்சகக்கலிப்பா]

கருந்துழாய் முகிலொருபாற் கலந்தவர்*பத் திரற்குநிதி திருந்துதா ருதியனிடைத் திருமுகமீந் தளித்ததிது வருந்தியா ழவனிசைப்ப மழைதூங்கு நள்ளிரவில் இருந்துபா டெனப்பலகை யிட்டதூஉ மினிப்பகர்வாம்.

     (இ - ள்.) கருந்துழாய் முகில் - கரிய துழாய் மாலையை யணிந்த
முகில்போன்ற திருமால், ஒருபால் கலந்தவர் - ஒரு பக்கத்திற்
பொருந்தப்பெற்ற இறைவர், பத்திரற்கு - பாணபத்திரனுக்கு, திருந்துதார்
உதியனிடை - திருத்தமாகிய மாலையை யணிந்த சேரமானிடம், திரு முகம்
ஈந்து - திருமுகங் கொடுப்பித்து, நிதி அளித்தது இது - பொருள்
அளித்தருளிய திருவிளையாடல் இது; அவன் - அப்பாணபத்திரன், மழை
தூங்கும் நள்இரவில் வருந்தி யாழ் இசைப்ப - மழைபொழியும் நடு இரவில்
வருந்தி யாழ் இசைபாட, இருந்து பாடு என - இதன்மீது இருந்து
பாடுகவென்று, பலகை இட்டதூஉம் - (அப்பெருமானார்) பலகையிட்டருளிய
திருவிளையாடலையும், இனிப் பகர்வாம் - இனிக் கூறுவாம்.

     இறைவனது ஒரு கூற்றிலே திருமால் இருத்தலை,

என்னும் பொன்வண்ணத்தந்தாதியிற் காண்க.

என்னும் முதலாழ்வார் பாட்டாலும் பெறப்படுகின்றது. அவன் யாழ் இசைப்ப என இயையும். (1)

     (பா - ம்.) * கரந்தவர்.