பிழைத்து - பிழைத்தலால்; கோள் நிலை திரிதலால் மழையின்றாகு
மென்பதனை,

என மணிமேகலை கூறுதலானு மறிக. மா - கருமை; பெருமையுமாம். காமரு,
உ : சாரியை; விருப்பம் பொருந்திய வென்றுமாம். கையறவு - மிக்க துன்பம்;
ஈண்டு வறுமைத்துன்பம்;

என்று தமிழ் மறை கூறுவது காண்க. தாம் : அசை. நோக்கி, நோக்க
னோக்கம். (2)

     (இ - ள்.) வேந்தர் மூவரும் - மூவேந்தரும், முனிவனை அடைந்து
அகத்திய முனிவனை அடைந்து, தங்கள் நாட்டில் பனிவரு மாரி இன்றி
தங்கள் நாட்டினில் குளிர்ச்சிபொருந்திய மழை இன்மையால், வறந்தமை பகர
- வறுமை மிக்கதைக் கூற, மேரு குனிவரு சிலையார்க்கு அன்பன் -
மேருமலையாகிய வளைந்த வில்லையுடைய சிவபெருமானுக்கு அன்பனாகிய
அம்முனிவன், கோள் நிலை குறித்து நோக்கி - கோட்கள் நிற்கும் நிலையை
ஆராய்ந்து பார்த்து, இனிவரும் மாரியில்லை - இனியும் மழை பெய்தல்
இல்லை; யாதினால் என்னில் - எதனாலென்றால், கேண்மின் - கேளுங்கள்
எ - று.

     மாரி இன்றி வறந்தமை - மழை பெய்யாது வறங்கூர்ந்தமையுமாம்.
குனிவரு - வளைதல் பொருந்திய; குனி : முதனிலைத் தொழிற்பெயர். குறித்து
நோக்கல் - நூலானும் மனத்தானும் ஆராய்ந்து காண்டல்; குறித்துணர்தலால்
சோதிடம் குறியென்று பெயர்பெறும். வருமாரி என்பதனை மாரிவருதல் எனக்
கொள்க. கூறுதும் கேண்மின் என்க. (3)

     (இ - ள்.) காய் சின வெய்யோன் சேயோன் - மிக்க சினமுள்ள
குரியனும் செவ்வாயும். முன் செல் - முன்னே நடக்க, கதிர்கால் வெள்ளித்
தேசிகன் - ஒளி வீசும் சுக்கிரனாகிய குரவன், பின்பு சென்று நடக்கும்
இச்செயலால் - அவற்றிற்கும் பின்னே செல்லும் இந்தச் செயலினால், முந்நீர்த்
தூசின உலகில் - கடலாகிய ஆடையையுடைய இந்நிலவுலகில்,