ஒருவாற்றானும் அளக்க முடியாத என்றபடி. சேமவைப்பு - பின்
உதவுதற்கென்று வைக்கப்படும் நிதி. சேமம் - காவல். வைப்பு - வைத்தல் :
வைக்கப்படும் பொருளை உணர்த்துகின்றது. (10)

     (இ - ள்.) ஐய - ஐயனே, கிடைத்து -(அதனைஸ்ரீ அடைத்து) அனைய
மேருகிரி செருக்கு அடங்க - அந்த மேருமலையானது செருக்கடங்கு மாறு;
செண்டால் புடைத்து - செண்டாலடித்து, நின் ஆணைத்து ஆக்கி - நினது
ஆணை வழிப்படுத்தி, பொன் அறை பொதிந்த பாறைதுடைத்து -
வேண்டுங்காறும் தொட்டு எடுத்து - நீ வேண்டுமளவும் (பொன்னை) வாரி
யெடுத்து, அதனை மீள அடைத்து - அவ்வறையைத்திரும்ப மூடி, நின் ழுறி
இட்டுவருதி என்று - நினது இலச்சினையைப் பொறித்துவரக் கடவாய் என்று,
அடிகள் கூற - (அங்ஙனம் வந்த) சித்த மூர்த்திகள் கூறியருள எ - று.

     செருக்கடக்கி என்றமையால் முன் அது செருக்குடைத்தெனக் கொள்க.
ஆணைத்து - ஆணையின் கீழது. துடைத்தல் - நீவுதல். கிரிச் செருக்
கென்பது பாடமாயின் கிரியினது செருக்கென்க. (11)

     (இ - ள்.) விழித்தனன் - (உக்கிர பாண்டியன் உடனே) விழித்து,
எழுமான் தேரோன் விழிக்கு முன் கடன்கள் எல்லாம் கழித்தனன் - ஏழு
குதிரைகள் பூட்டிய தேரினையுடைய சூரியன் தோன்றுவதற்கு முன்பே
நாட்கடன் அனைத்தையும் முடித்துக் கொண்டு, மீனநோக்கி கணவனை
வலமாப்போந்து - அங்கயற்கண்ணம்மையின் மணாளனாகிய சோமசுந்தரக்
கடவுளை வலம் வந்து, சுழித்து எறி கடல் அனீகத் தொகை புறம் சூழ -
சுழித்து அலைகள் வீசும் கடல் போன்ற சேனைக் கூட்டம் புறத்தேசூழ்ந்துவர,
கொண்டல் கிழிந்து எழுவாயில் நீங்கி - முகில் மண்டலத்தை ஊடுருவி
ஓங்கிய கோபுரவாயிலைக் கடந்து, கீழ்த்திசை நோக்கிச் செல்வான் -
கீழைத்திசை நோக்கிச் செல்வானாயினன் எ - று.

     விழிக்கு முன் விழித்தன னென்பது நயமுடைத்தேனும் கனவு
கண்டவுடன் விழித்தனன் என்பதே பொருட் பொருத்த முடைத்தாம்.
விழித்தனன், கழித்தனன் : முற்றெச்சங்கள். வலமா : விகாரம். அனீகம் -
சேனை (12)

     (பா - ம்.) * கிரிச்செருக்.