(இ - ள்.) முரசம் அதிர்ந்தன - பேரிகை ஒலிக்கவும். சங்கம்
அதிர்ந்தன - சங்கு ஒலிக்கவும், இயங்கள் அண்டம் பிதிர்ந்தன என்ன
ஆர்ப்ப - இயங்களெல்லாம் அண்டங்கள் பிளந்தன என்னுமாறு ஒலிக்கவும்,
வெண் கவரி பெயர்ந்து துள்ள - வெள்ளிய சாமரைகள் ஒலிக்கவும், வெண்
கவரி பெயர்ந்து துள்ள - வெள்ளிய சாமரைகள் எழுந்து துள்ளவும், முதிர்ந்த
நான் மறையோர் ஆசி மொழிய - நான்கு மறைகளிலும் பயிற்சி மிக்க
அந்தணர்கள் வாழ்த்துக் கூறவும் நாவல்லோல் ஏத்த - புலவர்கள் புகழ்ந்து
பாடவும், பதிந்து பார்கிழிய உருள் பதிதலால் பிளக்குமாறு, திண் தேர் பாகு
முன் செலுத்த ஊர்ந்தான் - வலிய தேரைப் பாகன் முன்னே செலுத்தச்
சென்றான் எ - று.

     அதிர்ந்தன வென்பன அதிர வென்னும் பொருள் குறித்தன; ஆர்ப்ப
என்பதனோடியைத்து, அதிர்ந்தன வாய் ஆர்ப்ப எனலுமாம் பாகு - பாகன்;
செசல்லால் அஃறிணை. முன்பாகன் செலுத்த என்றமையால் ஊர்ந்தான்
என்பதற்குச் சென்றான் என்பது பொருளாயிற்று. (13)

     (இ - ள்.) பவளக்கால் பிச்சம் - பவளத்தாற் செய்த காம்பினை
யுடைய பீலிக் குடையும், பொன்கால பல் மணிக் கவிகை - பொன்னாற்
செய்த காம்பையுடைய பல முத்துக்குடைகளும், முத்தம் தவளக்கால்
பதாகைக் காடும் - முத்துக்கள் கோத்த வெள்ளிய காம்பையுடைய வெற்றிக்
கொடியின் காடும், தானவான் அருவி தூங்கும் கால்கவளம் பொருப்பும் -
மதமாகிய பெரிய அருவி ஒழுகும் காலையுடைய கவளம் உண்ணும்
மலைபோன்ற யானைகளும். பாய்மாக்கடலும் - தாவுகின்ற குதிரை
வெள்ளமும், கால் வயவர் மான் தேர்தொகுதியும் - வீரர்கள் கூட்டமும்
குதிரை பூட்டிய தேர்க் கூட்டமும், மண் மடந்தை ஆகம் துவள சூழல்போக
நிலமகளின் உடல் வருந்தச் சூழ்ந்து வரவும் எ - று.

     பதாகை - பெருங்கொடி. காடு போறலின் காடு என்றார். காடும்
மலையும் கடலும் என ஓர் நயம்படக் கூறினார். காலாள் என்பவாகலின்
‘கால்வயவர்’ என்றார். வயவர் தொகுதியுமென்க. சூழல்போக - சூழ்போக.(14)