[எழுசீரடி யாசிரிய விருத்தம்]

உலம்பொரு தடந்தோ ளுக்கிரச் செழிய      னுயரிய மேருமால் வரையைப் பொலம்புரி செண்டாற் புடைத்துவைப் பெடுத்துப்      போந்தரு ளடைந்தவா புகன்றும் வலம்படு திணிதோள் வீரபாண் டியன்கோல்      வழங்குநாண் மதுரையெம் பெருமான் புலம்பொரு முனிவர் தேறநால் வேதப்      பொருளுணர்த் தியதிறம் புகல்வாம்.

     (இ - ள்.) உலம் பொருதடம்தோள் உக்கிரச் செழியன் - திரண்ட
கல்லுப்போலும் பெரிய தோளையுடைய உக்கிரவழுதி, உயரிய மேரு
மால்வரையை - உயர்ந்த மேரு என்னும் பெரிய மலையை. பொலம்புரி
செண்டால் புடைத்து - பொன்னாற் செய்த செண்டினால் அடித்து, வைப்பு
எடுத்துப் போந்து - நிதியை எடுத்து வந்து, அருள் அடைந்தவா புகன்றும் -
திருவருளைப்பெற்ற திருவிளையாடலைக் கூறினாம். வலம்படு திணிதோற் வீர
பாண்டியன் - (இனி) வெற்றி பொருந்திய வலிய தோள்களையுடைய வீர
பாண்டியன், கோல் வழங்கும் நாள் - செங்கோ லோச்சும் பொழுது. மதுரை
யெம்பெருமான் - மதுரையில் எழுந்தருளிய எம் பெருமானாகிய
சோமசுந்தரக் கடவுள், புலம்பொரு முனிவர் தேற - புலன்களை வென்ற
முனிவர்கள் தெளிய, நால்வேதப் பொருள் உணர்த்திய திறம் புகல்வாம் -
நான்கு வேதங்களின் பொருளை அறிவுறுத்திய திருவிளையாடலைக் கூறுவாம்
எ - று.

     உலம் - திரண்ட கல். பொரு - மாறுபடுகின்ற எனினுமாம். அருள்
அடைதல் - திருவடிநீழலிற் கலத்தல். அடைந்தவா : ஈறு தொக்கது. புகன்றும்
இறந்த காலத்தன்மைப் பன்மை முற்று. புலம்பு ஒரு எனப் பிரித்துத், துன்பம்
நீங்கிய என்றுரைத்தலுமாம். (1)

     (இ - ள்.) ஐம்பெரும் பூதம் நிலை திரிந்து - ஐந்து பெரிய பூதங்களும்
தத்தம் நிலையில் மாறுபட்டு, ஈர் ஏழ் அடுக்கிய உலகொடும் - பதினான்காக