சிவபெருமானைத் தாயிலாப் பிள்ளை என்று கூறிய நயம் ஓர்க. குறிப்பு -
சிந்தனை; தியானம், ஆக்கிய - அமைத்தா லொத்த; வேய் போன்ற என்பது கருத்து. சேய்மை யில்லையாக என்பது ‘சேயிலர’ என்றாயிற்று. விடைமேல் மழவுரு நீத்துத்தெரிய வென்க. (32)

     (இ - ள்.) மழ உரு நீத்து அடல் ஏற்றின் வருவார் - குழவி
வடிவத்தை நீக்கி வெற்றி பொருந்திய இடபவூர்தியில் வருகின்றவராகிய,
அழகர் - சோமசுந்தரக் கடவுள், தம் இடத்து அணங்கின் மனுவை ஓதிப்
பழகிய பார்ப்பன மகளை - தமது இடப்பாகத்திலமர்த்தருளும் உமாதேவியின்
திருமந்திரத்தை உச்சரித்துக் கைவந்த கௌரி யம்மையை, பார்ப்பதியின்
வடிவு ஆக்கி - உமையின் சாரூபத்தை அளித்தருளி, பலரும் கண்டு தொழ
- யாவருங் கண்டு வணங்க, சுரர்கள் மலர்மாரி தூற்ற - தேவர்கள் மலர்
மழை பொழிய, விடைமேல் ஏற்றி - இடபவூர்தியில் ஏற்றிக்கொண்டு, விசும்பு
ஆறாக எழுந்தருளினார் - வான்வழியாக எழுந்தருளினார்; அவனி மாக்கள்
களிதூங்கி அதிசயித்தார் - புவியிலுள்ள மக்கள் களிப்பிலழுந்தி
வியப்புற்றார்கள்.

     அழகர் என்பதனை முன்னர்க்கூட்டி, வருவாராகிய அழகர் என்க.
பார்ப்பதியின் வடிவு - உமையின் சாரூபம். மகளை ஏறி எழுந்தருளினார்
என்க. (33)

                  ஆகச் செய்யுள் - 1460