(இ - ள்.) கற்றை வை களைந்து - திரளாகிய வைக்கோலை நீக்கி
தூற்றி - பதர்போகத் தூற்றி, கூப்பி - (நெல்லைப்) பொலிகளாகக் குவித்து,
ஊர்க்காணித் தெய்வம் - கிராம தேவதைகளுக்கும், அற்றவர்க்கு -
வளியோர்களுக்கும், அற்றவாறு ஈந்து - வரையறுத்தபடி கொடுத்து, அளவை
கண்டு - அளந்து, கொற்றவர் - மன்னர், கடமை - இறைப்பொருளாக,
ஆறில் ஒன்றுகொள்ள - ஆறில் ஒருகூறு கொள்ள, பண்டியில் கொடுபோய்
- (மிகுதியைப்) பண்டிகளிற் கொண்டுபோய், தென்னாடு உற்றவர் -
தென்புலத்தாரையும், சுற்றம் - ஒக்கலையும், தெய்வம் - தேவரையும்,
விருந்தினர்க்கு - விருந்தினரையும், ஊட்டி - உண்பித்து, உண்பார் -
(அந்நாட்டினர்) தாமும் உண்பார் எ - று.

என்னும் திருக்குறளும், "பிதிரராவார் படைப்புக்காலத்து அயனாற்
படைக்கப்பட்டதோர் கடவுட்சாதி; அவர்க்கிடம் தென்றிசை யாகலின்
‘தென்புலத்தார்’ என்றார். தெய்வமென்பது சாதியொருமை. விருந்தென்பது
புதுமை. அஃதீண்டாகு பெயராய்ப் புதியராய் வந்தார் மேல்நின்றது. அவர்
இருவகையர், பண்டறிவுண்மையிற் குறித்து வந்தாரும், அஃதின்மையிற்
குறியாது வந்தாருமென. ஒக்கல் - சுற்றத்தார். எல்லா அறங்களும்
தானுளனாய் நின்று செய்ய வேண்டுதலின் தன்னையோம்பலும்
அறனாயிற்று . . . . . . . அரசனுக் கிறைப்பொருள் ஆறிலொன்றாயிற்று;
இவ் வைம்புலத்திற்கு ஐந்து கூறு வேண்டுதலான் என்பதறிக" என்று
பரிமேலழகர் விளக்கிய உரையும் இங்கே அறியற்பாலன. அற்றவர்க்கு,
விருந்தினர்க்கு என்னும் நான்கனுருபுகள் ஏனையிடத்தும்
சென்றியையும். (28)

     (இ - ள்.) சாறு அடுகட்டி - கருப்பஞ்சாற்றைக் காய்ச்சிய வெல்லம்,
எள்ளு சாமை கொள் இறுங்கு தோரை - எள் சாமை கொள் சோளம்
மலைநெல், ஆறு இடும்மதம் - வெள்ளம்போற் சொரிகின்ற
மதத்தினையுடைய, மால் - பெரிய, யானைப்பழுக் குலை அவரை -
யானையின் விலா வெலும்புபோலும் காயினையுடைய குலைகளையுடைய
அவரை, ஏனல் - தினை, வேறுபல் பயறோடு - வேறு வகைப்பட்ட பல
பயறுகளோடு, இன்னமற்றும் - இத்தன்மைய பிறவுமாகிய, புன்னில விளைவு
- புன்செயில் விளைந்தபொருள்களை, ஏறு ஒடுபண்டி ஏற்றி - எருதுகளிலும்
பண்டியிலும் ஏற்றி, இருநிலம் கிழய உய்ப்பார் - பெரிய பூதி கிழியும்படி
கொண்டுபோவார் எ - று.

     யானையின் பழுப்போல் அவரையின்கா யிருத்தலை, ‘பொருவில்
யானையின் பழுப்போற் பொங்கு காய்க்குலை யவரை’ எனப் பிறருங்
கூறியிருத்தல் காண்க. யானையின் பழுவெலும்பின் வரிசைபோன்ற
வாழைக்குலை என்பாரும், யானைமுகம்போற் பழுக்கத்தக்க வாழைக்
குலை என்பாரும் உயர். இறுதியிற் கூறியபொருளுக்குக் ‘கருங்கதலிப்