கட்டையா லுண்டாகி எழுந்த புகையும், வேள்விவிட்டு எழு புகையும் -
வேள்விக் குண்டத்தினின்றும் விடப்பட்டு மேலெழுந்த புகையும், ஒன்றி -
ஒன்றுபட்டு, விரிசுடர் விழுங்க - ஒளிவிரிந்த சூரியனை மறைக்க, கங்குல்
பட்டது - இருள் நிறைந்ததாகிய அந்த நாள், பலரும் தம் தம் பயில்வினை
இழக்க - அனைவரும் தத்தமக்குரிய செய்யுந் தொழில்களை இழக்கும்படி,
நங்கை - உமையம்மை, மட்டு அவிழ் கடுக்கையான் - மணம்விரிந்த
கொன்றை மாலையையுடைய இறைவனுடைய, கண் புதைத்த நாள் மானும்
- திருக்கண்களைத் (தமது கரத்தால்) மூடிய நாளை ஒக்கும் எ - று.

     அகிற்புகை மகளிர் கூந்தலில் ஈரம் புலர்த்துதற்கு இடப்பட்டது.
விட்டு - விடப்பட்டு; நீங்கி யெனினுமாம். கங்குல் பட்டது :
வினையாலணையும் பெயர். பயிறல் - செய்தல். மன், ஓ : அசை.

     கண்புதைத்த வரலாறு : - ஒருகாலத்தில் திருக்கையிலுள்ள
இளமரக்காவில் சிவபெருமானும் உமாதேவியாரும் எழுந்தருளி யிருக்கும்
பொழுது இறைவி ஒரு திருவிளையாடலைக் கருதிப் பின்னே வந்து
இறைவனுடைய திருக்கண்களைப் பொத்த, அக்கக்ள் பரிதியும் மதியு
மாதலால் உலகெங்கும் இருள்மூடிற்று; எல்லாவுயிர்களும் தத்தம்
தொழில்களைக் கைவிட்டு வந்தன; அப்பொழுது பெருமான் நுதற்கண்ணைத்
தோற்றுவித் தருளினர் என்பது. இதனைக் கந்தபுராணம், ததீசியுத்தரப்
படலத்திலுள்ள,