பொன்னை ஈன்றது. அம்மதுரையானது தாமரை மலரில் வீற்றிருக்குந்
திருமகளைப் பெற்றது; அது - அத்தெய்வம், பல பொருள் நிறை செல்வம்
தன்னை ஈன்றது - பல பொருள்களும் நிறைந்த செல்வத்தைப் பெற்றது;
அது - அச்செல்வம், பல தருமம் என்று ஒரைக்கும் மின்னை ஈன்றது - பல
அறங்கள் என்று சொல்லப்படுகின்ற பெண்ணைப் பெற்றது; அஃது - அந்தப்
பெண், விழுத்தகு புகழ் ஈன்றது - சீரிய புகழைப் பெற்றது எ - று.

     னகரம் விரித்தல். ஈன்றதால் மூன்றினும் ஆல் : அசை. பின் பின்னாக
வருவனவற்றிற்கு முன் முன்னாகவுள்ளன காரணமாக விருத்தலின் இது
காரண மாலையணி. (99)

     (இ - ள்.) எழுக் கடந்த தோள் - தூணை வென்ற தோள்களை
யுடைய, உருத்திரன் உலகமென்று - சிவபிரானுலகமென்று, யாரும் வழுத்த
நின்ற எவரும் பரவுதற்கு அமைந்த, இந்நகர்வயின் - இம் மதுரை
நகரின்கண் உள்ள, உம்பரின் மாண்ட - (தமது) தேவ உலகிலுள்ள
பொருள்களினும் மாட்சிமைப்பட்ட, விழுத்தகும் பல செல்வமும் - சீரிய பல
செல்வங்களையும், பார்த்து வியந்து - கண்டு வியப்படைந்து, உள்ளத்து
அழுக்கு அறாமையால் - மனத்தின்கண் பொறாமை நீங்காமையினால்,
அமரர் இன்னமும் கண் உறங்கார் - தேவர்கள் இன்னமும் கண்டு
யிலாதவரா யள்ளார்கள் எ - று.

     உருத்திர வுலகம் - சிவலோகம்; பெயர்; 'எழுக்கடந்தோள்' என்பது
உருத்திரனுக்கு அடை; உருத்திரனுலகம் எனப் பாடங் கொள்ளுதல் சிறப்பு;
'குருதிக் கோட்டுக் குஞ்சர நகரம்' என்பதுபோலக் கொள்ளலுமாம். அழுக்கு
- பொறாமை. இனி யென்னும் இடைச்சொல் அம்முப்பெற்று இகரங் கெட்டு
இன்னம் என்றாயது. அழுக்காறுடையார் கண்ணுறங்கார் என்றார். அமரர்க்கு
இயல்பாய கண்ணுறக்க மின்மையைப் பொறாமையால் வந்ததெனக் கவி
தன்கருத்தை யேற்றிக் கூறுதலின் இது தற்குறிப்பேற்றவணி. (100)

     (இ - ள்.) விரை அவிழ்ந்த தார் மீனவர் - மணம் விரிந்த மாலையை
யணிந்த மீனக் கொடியை யுடைய பாண்டி மன்னர், வாகை வேல் விடுத்து
- வெற்றி மாலையைச் சூடிய வேற்படையை ஏவி, திரையை வென்றதும் -
கடலைச் சுவறச் செய்து வெற்றி பெற்றதும், இந்திரன் முடி தகர்த்து -
இந்திரனுடைய முடியைப் பொடியாககி, செருக்குக் கரைய வென்றதும் -
(அவன்) செருக்கு அழியும்படி செய்து வெற்றி பெற்றதும், கார் தளை
இட்டதும் - முகிலை விலங்கு பூட்டிச் சிறையிலிட்டதும், கனக வரையை