(இ - ள்.) கலவி வித்தாக ஊடி - புணர்ச்சி காரணமாகப் புலந்து,
கண்புனல் குளிக்கும் நல்லார் - கண்ணீரில் மூழ்கும் மகளிரின், புலவி தீர்
செவ்வி நோக்கி - புலவி நீங்குகின்ற காலத்தை யறிந்து, புணர் முலைப்
போகம் துய்த்தும் - நெருங்கிய கொங்கைகளின் இன்பத்தை நுகர்ந்தும்,
நிலை நிலையாமை நோக்கி - நிலையுடைப் பொருள் நிலையில் பொருளி
னியல்பை அறிந்து, நெறிப்படு - முறைமையையுடைய, தரும தானம் - தரும
தானங்களை கலைஞர் கைப்பெய்தும் -நூலறிவு மிக்க சான்றோருக்குச்
செய்தும், காலம் கழிப்பவர் எண் இலாதார் - காலத்தை நடத்துகின்றவர்கள்
பலர் (அப்பதியில் உளர்) எ - று.

என்பவாகலின் 'கலவி வித்தாக வூடி' என்றார். நிலையுள்ளனவும்
நிலையில்லனவும் நிலைநிலையாமை எனப்பட்டன; உம்மை தொக்கது. நித்த
அநித்தங்களை உணர்ந்த வழியே அறஞ் செய்தற்கண் மனவெழுச்சி
யுண்டாமென்பார் 'நோக்கி' என்றார். தருமம பொதுவும் தானம் சிறப்புமாம்.
நெறி யென்றது அறநூல் கூறு முறைமையினை. (105)

     (இ - ள்.) மீன நோக்கி தலைவனை - அங்கயற்கண்ணி
தலைவனாகிய சோமசுந்தரக் கடவுளை, மூன்று போதும் சந்தித்து வந்தித்தும்
- மூன்று காலங்களிலும் சென்று கண்டு வணங்கியும், ஈசன் பூசை மரபுளி
முடித்தும் - சிவபூசையை ஆகம முறையால் நிறைவேற்றியும், வேதம்
அந்தித்தும் அறியான் செய்த - வேதங்கள் அணுகியும் அறியமுடியாத
வனாகிய அவ்விறைவன் செய்தருளிய, திருவிளையாடல் கேட்டும் -
திருவிளையாடல்களைப் பெரியோர் சொல்லக் கேட்டும், சிந்தித்தும்
(அவற்றை) நினைத்தும், அன்பர் பூசை செய்தும் - அடியார்களைப் பூசித்தும்,
நாள் கழிப்பர் பல்லோர் - நாளை நடத்துவார்கள் பலர் (அப்பதியில்)
எ - று.

     சந்தித்து வந்தித்து மென்க. போதும் - மரூஉ. மூன்று பொழுது :
காலை. நண்பகல், மாலை என்பன. மரபுளி - முறையால் : உளி : மூன்றன்
பொருள்படுவ தோரிடைச் சொல். அந்தித்தல் - சந்தித்தல், அணுகல் :
முடியச் செல்லுதல் எனினுமாம். அறியான் - அறியப் படாதவன்;
செயப்பாட்டு வினைப் பொருளில் வந்தது. சிந்தித்தும் என்பதற்கு
இறைவனைத் தியானித்தும் என்றுரைத்தலுமாம். (106)