(இ - ள்.) வேத ஆகம புராணமே மிருதியே முதலா - வேதங்கள்
ஆகமங்கள் புராணங்கள் மிருதிகள் முதலாக, ஓதும் நூல்களின் -
கூறப்பட்ட நூல்களின், துணிபொருள் - முடிந்த பொருள், உலகு எலாம்
பயந்த பேதை பாகனே பரம் - எல்லா வுலகங்களையும் ஈன்ற உமையை
ஒரு கூற்றிலுடைய சிவபிரானே பரம்பொருள் என்பது, எனத் தேர்ந்து
உணர் பெரிய - என ஆராய்ந்து உணர்ந்த பெரியவனே, போத மாதவ -
ஞானத்தையுடைய பெரிய தவத்தையுடையவனே, உனக்கு யாம் புகல்வது
ஒன்று உளது - உனக்கு நாங்கள் சொல்வது ஒன்று உளது எ - று.

     வேதம், புராணம், மிருதி முன் கூறப்பட்டன. சிவாகமம் காமிகம்
முதல் வாதுளம் இறுதியாக இருபத்தெட்டு என்ப. ஒன்பது ஆகமங்களின்
பெயர்களைத் திரமூலர் குறிக்கின்றார்; இதனை,

     என்னும் மந்திரத்திற் காண்க. பரமென்பது என விரிக்க. புராணமே,
மிருதியே எம் ஏகாரங்கள் எண்ணுப் பொருளன; பிறவற்றொடுங் கூட்டுக.

என்பது தொல்காப்பியம். பேதை பாகனே என்னும் ஏகாரம் பிரிநிலையும்
தேற்றமுமாம். ஆல் : அசை. (8)

     (இ - ள்.) விடைமேல் ஊரும் - இடப வாகனத்திலேறி
நடத்தியருளுகின்ற, அந்தர நாடவன் - சிவலோகத்தை யுடையவனாகிய
இறைவன், உறைபதி - எழுந்தருளியிருக்குந் திருப்பதிகள் ஆகிய,மேரு
மந்தரம் கயிலை பர்ப்பதம் முதல் அனந்தம் - மேரு மந்தரம்
திருக்கயிலாயம் திருப்பருப்பதம் முதலிய அளவில்லாதனவும், ஆரும் -
எவரும், அந்தம் இல் - அழிவில்லாத, போகம்வீடு அடைவது என்று -
போகத்தையும் வீட்டையும் அடைவதற் குரியனவென்று, அவற்றின்