(இ - ள்.) பெறற்கு அருந்தவம் செய்து - பெறுதற்கு அரிய
தவஞ்செய்து, அகம் தெளிந்து - மனந்தெளிந்து, அரிதில் பெறும் -
அரிதாகப் பெறப்படும், கதி - வீடானது, கேட்பவர்க்கு - கேட்கின்ற
வர்களுக்கு, எளிதாய் உறப்படும் தலம் - எளிதாக அடைதற்குரிய
தலமாகவும், நீர் வினாய முச்சிறப்பும் உள்ளது - நீவிர்கேட்ட மூன்று வகைச்
சிறப்புமுள்ளதாகவும் (ஒன்று கூறப்பட்டுள்ளது; அது), எத்தலத்தினும் -
மற்றெந்தத் தலங்களினும், கழிந்த - மேம்பட்ட, சிறப்பின் - சிறப்பினை
யுடைய, மறைப்பொருள் - வேதப்பொருளாகிய இறைவன், அருள் வடிவு
எடுத்து - அருட்டிருமேனி கொண்டு, எண்களைப் புரிந்து, என்றும்
விளங்கும் - எப்பொழுதும் வீற்றிருப்பதற் கிடமாயுள்ள, ஆலவாய் -
திருவாலவாயாகும்; அதனை - அத்திருப்பதியை, மண்ணின் மேல் சிவனுலகு
என்னும் - நிலவுலகிலுள்ள சிவலோகமென்று உலகங் கூறும் எ - று.

     எளிதாய் : எச்சத்திரிபு. வினாவிய என்பது விகாரமாயிற்று. ஒன்று
கூறப்பட்டுள்ளது, அது என்பன வருவிக்கப்பட்டன. கழிந்த : மிகுதிப்
பொருள்தரும் கழியென்னும் உரிச்சொல்லடியாகப் பிறந்தது. கழிந்த சிறப்பின்
ஆலவாய் என வியையும். ஆங்கு : அசை. உலகம் என்னும் எழுவாய்
வருவிக்கப்பட்டது. (24)

     (இ - ள்.) அத்தலத்து - அந்தத் தலத்தின்கண், அனைய மூவகைச்
சிறப்புக்களையும், அளவு இலா உயிர்க்கு எலாம் - அளவிறந்த எல்லா
வுயிர்களிடத்தும், கருணை வைத்தவன் - அருள் வைத்துள்ளவனாகிய
இறைவன், செய்த திருவிளையாட்டும் - செய்தருளிய திருவிளையாடல்
களையும், வரை உரம் கிழிய - கிரவுஞ்ச மலையின் மார்பு கிழியும்படி,
வேல் எடுத்த - வேற்படையை ஏந்திய, வித்தகன் - ஞான சொரூபனாகிய
குமரவேள், உமக்கு விளம்புவன் என - உங்களுக்குக் கூறுவேன் என்று,
கடல் எலாம் உண்டான் - கடல் நீர் முற்றும் பருகிய குறு