(இ - ள்.) அன்னம் மலிவயல் புலியூர் - அன்னப் பறவைகள்
நிறைந்த வயல்களையுடைய சிதம்பரமும், காசி நகர் - காசிப்பதியும்;
காளத்தி - சீகாளத்தியும், ஆலவாய் ஆம் - திருவாலவாயும் ஆகும்; இன்ன
வளம்பதி நான்கில் - இந்த அழகிய திருப்பதி நான்கனுள், திருவாலவாய்
அதிகம் - திருவாலவாயே உயர்ந்தது; எவ்வாறு என்னின் - எப்படி
என்றால், மின் அவிர் - ஒளி விளங்குகின்ற, அம்பலம் காண - சிதம்பரந்
தரிசித்தலானும், காசிநகர் வதிந்து இறக்க - காசிப்பதிதங்கி இறத்தலானும்,
வியன் காளத்தி - பெருமை பொருந்திய சீகாளத்தியாகிய, அன்போடு
வழிபடுதலானும், போகம் வீடு அளிக்கும் - போகத்தையும் வீட்டையுங்
கொடுக்கும் எ - று.

     அவையென வருவித்து ஆம் என்பதனோடு முடிக்க. இன்ன : சுட்டு.
வளம்பதி : மெலித்தல் விகாரம். அம்பலம் முதலியன அளிக்குமென்க.
செயவெனெச்சங்கள் காரணப் பொருளன. எண்ணும்மை விரிக்க. வருஞ்
செய்யுளோடு சேர்த்துப் பொருள் கொள்க. (4)

     (இ - ள்.) அறம் தழையும் - அறங்கள் மிகுகின்ற, திருவாலவாய் -
திருவாலவாயானது, கேட்ட உடன் போகம் அளிக்கும் - கேட்ட பொழுதே
போகத்தைக் கொடுக்கும், மீண்டு - பின், பிறந்து இறவாப் பேர் இன்பக்
கதி அளிக்கும் - தோன்றி அழியாத பேரின்ப வீட்டையுங் கொடுக்கும்; இது
அன்றி - இதுவல்லாமல், பிறழாது - தவறாமல், எங்கும் - எவ்விடத்தும்,
நிறைந்தபரன் - நிறைந்துள்ள இறைவன், எத்தலமும் படைப்பான் - எல்லாத்
தலங்களையும் படைக்கும் பொருட்டு, இத் தலத்தை முதல்நிருமித்து -
இத்திருவாலவாயைமுதலிற் படைத்து, இங்ஙன் உறைந்தருளினான் -
இவ்விடத்தில் இருந்தருளினான்; அன்றி - அல்லாமல், இதன் பெருமை
இன்னம் உளது உரைப்பக் கேண்மின் - இதன் பெருமை இன்று முண்டு
சொல்லக் கேளுங்கள் எ - று.

     (பா - ம்.) * அங்கண். +அதன் பெருமை.