(இ - ள்.) மற்றைய தலத்தில் - பிற பதிகளில், மதியம்தோறும் -
மாதந்தோறும், சாந்திராயணம் உற்ற பேறு - சாந்திராயண விரதம்
நோற்றலால் வரும் பயன், இங்கு கங்குல் உண்டியால் அடை பேறு ஆகும்
- இப்பதியில் இரவில் உண்ணுதலால் அடைகின்ற பயன் ஆகும்; மற்றைய
தலத்தில் - ஏனைய தலங்களில், மாதப்பட்டினி பலத்தின் பேறு மாதப்
பட்டினி விரதத்தால் வரும் பயன், இங்கு உற்று ஒரு வைகல் உண்டி
ஒழிந்தவர் - இத்தலத்திலிருந்து ஒருநாள் உணவு நீஙகியவர், பெறும்பேறு
ஆகும் - அடைகின்ற பயன் ஆகும் எ - று.

     மற்றையவாகிய தலங்களென்க. சாந்திராயணமாவது, சந்திரன் கலை
வளருந்தோறும் ஒவ்வொரு கவளம் உயர்ந்தும், குறையுந் தோறும் ஒவ்வொரு
கவளம் குறைத்தும் உணவுண்டு நோற்கும் விரதம். மதியம் அம் சாரியை;
அசையும் என்ப. கங்குலுண்டி - கங்குலில் மாத்திரம் உணவு கொள்ளும்
நோன்பு. பட்டினி - உபவாசம். பலம் என்றது ஈண்டு விரதமென்னும்
பொருளது. ஒருநாள் எபவாச நோன்புற்றோர் அடையும் பயன் ஆகும். (13)

     (இ - ள்.) அயல் நகர் அடைந்து - வேறு பதிகளிற் சென்று, நான்கு
திங்கள் - நான்கு மாதங்கள், நோன்பு ஆற்றும் பேறு - விரதங்
கொள்ளுதலினால் வரும் பயன், இவ்வியன் நகர் அடைந்து - இந்த உயர்ந்த
பதியைச் சார்ந்திருந்து, நோற்கும் அட்டமி விரதம் நல்கும் - புரிகின்ற
அட்டமி விரதம் கொடுக்கும்; அயல் நகர் எய்தி - பிற தலங்களிற்போய்,
ஆறு திங்கள் - ஆறு மாதங்கள், நோன்பு ஆற்றும் பேறு - விரதம்
இயற்றுதலினால் வரும் பயனை, இவ்வியன் நகர் - இச் சிறந்த பதியிலிருந்து
நோற்கின்ற, சோமவார விரதமே அளிக்கும் - சோமவார விரதம் ஒன்றுமே
நல்கும் எ - று.

     அன்று, ஏ : அசை. (14)

     (இ - ள்.) ஏனைய தலத்தில் - பிற பதிகளில், ஓர் ஆண்டு - ஒரு
வருடம், உணவு ஒழிந்து - உணவின்றி, இயற்றும் நோன்பால் ஆன பேறு -
செய்கின்ற விரதத்தால் வரும்பயனை, இங்கு நோற்கும் சிவன் இரா
அளிக்கும் - இப்பதியிற் புரிகின்ற சிவராத்திரி விரதம் ஒன்றுமே நல்கும்;
இங்கு - இப்பதியில், ஊன் ஐம்பொறியும் வென்றோன் - குற்றமுள்ள
ஐம்பொறிகளையும் வென்றவன், முப்பொழுது உண்டு வைகி அமர்ந்தாலும் -
மூன்று வேளையும் உண்டு இருந்தானாயினும், கால் உண்டு இயற்று
மாதவத்தோன் ஆகும் - காற்றை உண்டு நோற்கின்ற பெரிய தவத்தை
யுடையோனாகும் எ - று.