வகைத்து - து : பகுதிப்பொருள் விகுதியுமாம். பூசையே தவமென்பார்
'பூசைபண்ணிய தவம்' என்றார். (17)

     (இ - ள்.) பல்வகைத்தவங்கள் எல்லாம் - பலவகையான தவங்கள்
முழுதும், முற்றிய பயனும் - செய்து முடித்தலால் வரும் பயன்களும், தூய
- புனிதமான, பல்வகை மந்திரத்தில் எய்திய பயனும் - பலவகையான
மந்திரங்களைச் செபித்தலால் வரும் பயன்களும், பல்வகை - பல்வகையான,
நூலின் கேள்வி எல்லாம் - நூற்பொருள் கேட்டவற்றை யெல்லாம், ஆய்ந்து
உணர் பயனும் - ஆராய்ந்து உணர்ந்ததனால் வரும் பயன்களும், பல்வகை
யோகம் ஞானம் எல்லாம் பயின்று - பலவகையான யோகங்கள்
ஞானங்களெல்லாம் பழகி, உணர்ந்து - மெய்ப்பொருளை யறிந்து, அடங்கும்
பேறும் - தற்போதம் அடங்கியிருத்தலால் வரும் பயன்களும் (ஆகிய
இவையனைத்தையும்) எ - று.

     பல்வகை யோகமும் ஞானமுமெல்லாமென்க. யோகம் பயின்று ஞான
முணர்ந்து என நிரனிறையுமாம். (18)

     (இ - ள்.) அனைய தொல்பதியில் - அந்தப் பழமையான
ஆலவாயின்கண், என்றும் வைகுவோர் அடைவர் என்றார் - எந்நாளும்
வசிப்போர் அடைவாரென்னின், இனைய தொல்பதிக்கு - இப்படிப் பட்ட
பழம் பதிக்கு, நேர் வேறு இல்லை - ஒப்பு வேறோர் பதியுமில்லை; இப்
பதியின் மேன்மைதனை - அத் தவத்தின் பெருமையை, ஈசன் அன்றி
அறிபவர் ஆர் - சிவபிரானல்லாமல் உணர்ந்தவர் வேறு யாவர்
(எவருமில்லை), ஆதலால் - ஆகையால், வினையை வெல்பவர் - இரு
வினைகளையும் வெல்லக் கருதினோர், அங்கு எய்தி வதிவதே வேண்டும்
- அப் பதிக்குச் சென்று வசித்திருப்பதே வேண்டியதாகும் எ - று.

     அடைவரென்றால் நேர் வேறுண்டோ? இல்லையென்க. ஈசனன்றி
அறிபவர் ஆர் என மாற்றிக் கூட்டுக. ஏ : முன்னது அசை, பின்னது
தேற்றம். மாது, ஓ : அசை. (19)