விழுங்கு தினம் - கிரகண நாள். விதிபாதம் - மாதந்தோறும் வரும்
யோகங்களிலொன்று. அத்தொகை - அவை. அம்முறை அதிக பலன்
ஆகும் என்றது நாடொறுஞ் செய்தலினும் அமாவாசையிற் செய்தல் நூறு
மடங்கும், மாதப்பிறப்பிற் செய்தல் ஆயிரமடங்கும், கிரகண நாளிற் செய்தல்
நூறாயிரமடங்கும். விதிபாதநாளிற் செய்தல் அளவின்றியும் மிக்க
பலனுடையவாகும் என்றவாறு. ஒன்றற் கொன்று - ஒன்றின்னொன்று.

     (இ - ள்.) பொருவு அரிய - ஒப்பில்லாத, தகர்த் திங்கள் - சித்திரை
மாதமும், துலாத் திங்கள் இவை - ஐப்பசி மாதமுமாகிய இவைகள்,
உதிக்கும் போது மூழ்கின் - பிறக்கு நாழிகையில் மூழ்கினால், ஒரு
பதினாயிரம் மடங்கு ஆம் - பதினாயிரமடங்கு பலன் ஆகும்; சுறவு - தை
மாதமும், கவைத்தாள் அலவன் - பிறவுபட்ட காலையுடைய கற்கடகமாகிய
ஆடி மாதமுமாகிய இவைகள், உதிப்பின் மூழ்கின் - பிறக்கு நேரத்தில்
மூழ்கினால், இருபதினாயிரம் மடங்கு ஆம் - இருபதினாயிர மடங்கு பலன்
ஆகும்; இந்து இரவி இடத்து ஒடுங்கு - சந்திரன் சூரியனிடத் தொடுங்குகின்ற,
இந்த வாரம் வருவது அறிந்து - திங்கட்கிழமை வருவதை உணர்ந்து,
ஆடி மனு ஓதல் முதல் செயின் - நீராடி மந்திரஞ் செபித்தல் முதலிய
வற்றைச் செய்தால், அனந்த மடங்கு உண்டாகும் - அளவற்ற பலன்
உண்டாகும் எ - று.

     தகர் - மேடம். சுறவு - மகரம். அலவன் - கடகம். சித்திரை ஐப்பசி;
தை, ஆடி : என்னும் மாதங்கள் பிறக்கும் பொழுதும், அமாவாசையுடன்
கூடியதிங்கட்கிழமையும் கூறப்பட்டன. சுறவு, அலவன் என்பன அத்
திங்களைக் குறிப்பன. உதிப்பின் - உதித்தற்கண். அலவன் என்னும் பெயர்
நோக்கிக் கவைத்தாள் என அடை கொடுத்தார். (30)