பாண்டி மன்னன் கையிலுள்ள, பொன் பிரம்பு - பொற் கட்டினையுடைய
பிரம்பினாலே, புறத்துப்பட்ட - முதுகிற்பட்ட, அடித்தழும்பு - அடியின்
சுவடானது, மூன்று புவனமும் பட்டது - மூன்றுலகங்களிலுமுள்ள
சராசரங்களிலும் பட்டது எ - று.

     திறம் - வகை. வியாபித்தல் - கலத்தல். அதனாலன்றோ பட்டது
என்க; இரண்டு எதிர்மறை ஓருடன் பாடாயின. அன்று ஏ : அசை; அன்று
- அந்நாளில் எனினுமாம். இறைவன் சருவ வியாபி என்பதற்கு ஓர் எடுத்துக்
காட்டுக் கூறினார். இவ்வரலாற்றை இப்புராணத்து மண் சுமந்த படலத்திற்
காண்க. (5)

     (இ - ள்.) சொற்ற இச் சமட்டி ஆன - சொல்லிய இந்தச் சமட்டி
உருவாகிய, சோம சுந்தரனைக் காணப் பெற்றவர் - சோம சுந்தரக்
கடவுளைக் காணப் பெற்றவர், வியட்டி ஆன - வியட்டி உருவாகிய, பிற
பதி - பிற திருப்பதிகளிலுள்ள, இலிங்கம் காணல் உற்றவர் ஆவர் -
இலிங்கங்களையும் காணப் பெற்றவராவர்; என் என்று உரைக்கின் - எப்படி
என்று வினாவில், வேர் ஊட்டும் நீர் - வேரை உண்பித்த நீரானது, போய்
- சென்று, மரத்தின் - மரத்திலுள்ள, மற்றைய சினைகள் எல்லாம் தழை
விக்கும் - பிற உறுப்புக்களை யெல்லாம் தழையச் செய்யும் (அது போல
வென உணர்க) எ - று.

     சமட்டியான - சூக்குமமாய் எல்லாமான. வியட்டியான - தூலமாய்
வெவ் வேறான. காரணம் என்னென்று வினவிலென்க. சில சொற்கள்
வருவித்து முடிக்கப்பட்டது. மாது ஓ : அசை.

      (இ - ள்.) எத்தலத்து - எந்தப்பதியில், யாவன் - எந்தக் கடவுள்,
எண் எண் திருவிளையாடல் செய்தான் - அறுபத்து நான்கு
திருவிளையாடல்களைச் செய்தருளினானோ, அத்தலத்து - அந்த
மதுரைப்பதியில் உள்ள, அவனுக்கு - அந்தச் சோமசுந்தரக் கடவுளுக்கு,
ஒப்பும் அதிகம் ஆம் சிறப்பும்பெற்ற - ஒப்புத்தன்மையும் உயர்வாகிய
சிறப்புத் தன்மையு்அடைந்த, உத்தமன் - கடவுள், என்றும் எந்த உலகிலும்
இல்லை - எந்தக் காலத்தினும் எந்த உலகத்திலுமில்லை; அந்த வித்தகன் -
அந்த ஞான வடிவினனுடைய, அதிகத்தன்மை - சிறப்புத்தன்மை, எனைத்து
எனின் - எத்தன்மையது என்றால், விளம்பக் கேண்மின் சொல்லக்
கேளுங்கள் எ - று.

     செய்தான் யாவன் அவனுக்கு என்க : குற்றிய லிகரம். (7)

     (பா - ம்.) * எல்லாவுலகிலும்.