(இ - ள்.) நெடுங்குடுமி - நீண்ட சிகரங்களையுடைய, பொன்மேரு
- பொன்னாகிய மேருமலையானது, பொருப்பினுள் தலைமை எய்தும் -
மலைகளுக்குள் முதன்மையுறும்; தண்நறுந் தெய்யவதாரு - குளிர்ந்த நறிய
கற்பகத்தரு. தருக்களில் தலைமை சாரும் - மரங்களுள் முதன்மை யெய்தும்;
விருப்பு உறு - விருப்ப மிகுகின்ற, வேள்வி தம்முள் - வேள்விகளுள், புரவி
மேதம் மேம்படும் - பரி வேள்வி உயர்வாகும்; அருள்படு தானம் தம்முள் -
அருளோடு கூடிய தானங்களுள், அன்னதானம் விழுமிது ஆம் - அன்ன
தானம் சிறந்ததாகும் எ - று. (8)

     (இ - ள்.) மனிதரில் ஆதி மறையவர் உயர்ந்தோர் - மக்களுள்
முதன்மையான மறையவர் மேலோராவர்; தேவர் தம்மில் - தேவர்களுள்,
பனிதரு திங்கள் வேணி - குளிர்ந்த சந்திரனை யணிந்த சடையை யுடைய,
பகவனே உயர்ந்தோன் - சிவபெருமானே உயர்ந்தவன்; வேட்டோர்க்கு -
விரும்பினவர்களுக்கு, இனிது அருள் - நலத்தைச் செய்கின்ற, விரதம்
தம்முள் - விரதங்களுள், இந்து வாரம் அதிகம் ஆம் - சோமவார விரதம்
சிறந்தது ஆகும்; புனித மந்திரங்கள் தம்முள் - தூயய மந்திரங்களுள்,
போத ஐந்து எழுத்து மேலாம் - ஞானத்திற்கு ஏதுவாகிய திருவைந்
தெழுத்தாகிய மந்திரம் மேன்மையுடைய தாகும் எ - று.

என்னும் திருநெறித் தமிழ் மறையா னறிக. (9)

     (இ - ள்.) மின்மைசால் - ஒளிமிகுந்த, மணியில் சிந்தாமணி வரம் -
மணிகளுள் சிந்தாமணி மேன்மையானது; விழுப்பம் நல்கும் தன்மை சால் -
உயர்வைக் கொடுக்குந் தன்மை யமைந்த, அறங்கள் தம்மில் -

     (பா - ம்.) * கலன்கள், நற்றவங்கள்.