(இ - ள்.) கலிகடல் - ஒலிக்கின்ற கடலின்கண், இரவி தோன்ற -
சூரியன் உதித்தலால், கருகு இருள் உடையுமா போல் - கருகிய இருள்
அழியுந் தன்மை போலவும், ஒலி கெழு - ஒலி மிகுந்த, பெருங்கால் தள்ள
- பெரிய காற்றுத் தள்ளுதலால், உடைபடு மேகம்போல் - மேகம் சிதைதல்
போலவும், வலி கெழு - வலிமிக்க, மடங்கல் சீற - சிங்கம் கோபிக்க,
மாயும் மால் யானைபோல - பெரிய யானை அழிதல் போலவும், குலிசம்
வல் ஏறு தாக்க - வச்சிரப்படையாகிய வலிய இடியேறு தாக்குதலால், பொடி
படு குன்றம் போல - மலைகள் துகள் பட்டு அழிதல் போலவும் எ - று.

     தோன்ற என்பது முதலிய செயவெனெச்சங்கள் காரணப் பொருளன.
மேகம் முதலிய பெயர்களை மாற்றித் தொழிலுவம மாக்குக. மடங்கல் -
சிங்கம்; மடங்கி முன்னும் பின்னும் நோக்குவது பற்றி வந்த பெயர். (15)

     (இ - ள்.) மருட்சி செய் - மயக்கத்தைச் செய்கின்ற, காம நோயால்
- காமநோயினால், மதிகெடுமாறு போல - அறிவுகெடுந் தன்மை போலவும்,
அருள் சிவஞான நோக்கால் - அருளையுடைய சிவ ஞானப் பார்வையினால்,
வலி கெடும் அவிச்சை போல - அஞ்ஞானம் வலிகெட்டு அழிதல்
போலவும், தருக்கு உறும் உவணம் சீற - செருக்கு மிக்க கருடன்
கோபித்தலால், தழல் அரா விளியுமாபோல் - நஞ்சினையுடைய பாம்புகள்
அழிதல் போலவும், செருக்கு உற - தருக்குப் பொருந்துதலால், அழியும்
கற்ற கல்விபோல் - கற்றகல்வி அழிதல் போலவும், சிதையும் - கெட்டு
விடும் எ - று.

     செருக்கினையே அறியாமை யாக்கி,

எனத் தெய்வப் புலவர் கூறியிருப்பது இங்கு நோக்கற் பாலது. மேல்
'இறைசினோர் பாவமெல்லாம்' என நிறுத்திய எழுவாய் இச்செய்யுளிற்
'சிதையும்' என்னும் பயனிலை கொண்டு முடிந்தது. அன்று, ஏ : அசை. (16)