(இ - ள்.) இத்தகைய திருவாலவாயுடையான் - இத்தன்மையை
யுடைய திருவாலவாயையுடைய சோம சுந்தரக் கடவுளின், திரு முன்னர் -
சந்நிதானத்தில், இயற்றும் - செய்கின்ற, ஓமம் மெய்த்தவம் மந்திரம் தானம்
இன்ன - ஓமங்களும் உண்மைத் தவங்களும் மந்திரங்களும் தானங்களும்
இவை போல்வன பிறவும், அணு அளவு எனினும் - அணுவின் அளவின
ஆயினும், மேரு ஆகும் - மகா மேருவின் அளவின ஆகும்; உத்தமம்
ஆம் - சிறந்தது ஆகிய, இ இலிங்கப் பெருமை எலாம் - இந்த இலிங்க
மூர்த்தியின் பெருமைகள் அனைத்தையும், அளந்து உரைப்பார் யாவர் -
அளவிட்டுக் கூறவல்லார் யார் (ஒருவருமில்லை எனினும்), வேத வித்தகரே
- வேதங்களில் வல்லமுனிவாகளே,சிறிது அறிந்தவாறு உரைத்தேம் - சிறிது
அறிந்தபடி கூறினேம், இனிப் பலகால் விளம்புமாறு என் - இனிப் பலமுறை
சொல்லுவது என்னை எ - று.

     அணுவும் மேருவும் சிறுமை பெருமைகட்கு எடுத்துக் காட்டாவன.
பயனாற் பெரிதாம் என்றார். அறிந்தவாறு சிறிது உரைத்தேம். விளம்பினும்
அளவு படாமையின் இஃதே யமையு மென்பார், விளம்புமாறென்’
என்றார். (31)

     (இ - ள்.) இத்தலத்துக்கு ஒப்பு ஆக ஒரு தலமும் - இந்தத்
திருப்பதிக்கு இணையாக ஒரு பதியும், பொன் கமலம் என்னும் -
பொற்றாமரை என்று கூறப்படும், இந்த உத்தம மா தீர்த்தத்துக்கு ஒப்பது -
இந்தச் சிறந்த பெருமை பொருந்திய தீர்த்தத்துக்கு ஒப்பதாகிய, ஒரு
தீர்த்தமும் - ஒரு பொய்கையும், மெய் உணர்வு ஆனந்த வித்து அனைய
- உண்மை அறிவு இன்பங்களின் மூலம் போலும், இலிங்கம் இதற்கு -
இந்த இலிங்கத்துக்கு, ஒப்பா ஓர் இலிங்கமும் - இணையாக ஓடா
இலிஙகமும், பார் விண்மேல் என்னும் - பூமி அந்தரம் சுவர்க்க மென்
கின்ற, முத்தலத்தும் இலை - மூன்றுலகங்களிலுமில்லை; அந்த மூர்த்தி
திருநாமங்கள் மொழியக் கேண்மின் - அந்தச் சோமசுந்தரக் கடவுளின்
திருப்பெயர்களைச் சொல்லக் கேளுங்கள் எ - று.