மெய்யுணர் வானந்தம் - சச்சிதானந்தம். பார்விண்மேல் - இவை
பூலோகம், புவர்லோகம், சுவாலோகம் என்றும் கூறப்படும்; புறப்பாட்டில்,

என வருவது நோக்கற் பாலது. தலவிசேடத்துட் கூறிய ‘திருவால வாய்க்
கிணையாமொரு தலமு’ என்னுஞ் செய்யுளோடு இது பெரிதும் ஒத்துள்ளமை
காண்க. (32)

     (இ - ள்.) கருப்பூர சுந்தரன் - கருப்பூர சுந்தரன் என்றும், பூங்
கடம்பவன சுந்தரன் - பூக்களையுடைய கடம்பவன சுத்தரன் என்றும், உள்
கரவாத் தொண்டர் - உள்ளத்தில் வஞ்சனை யில்லாத அடியார்களின்,
விருப்பு ஊரும் கலியான சுந்தரன் - அன்பு மிக்க கலியான சுந்தரன்
என்றும், நல் அறவடிவாய் விளங்கும் - நல்ல தரும வடிவாகி விளங்கு
கின்ற, ஏற்றுப் பொருப்பு ஊரும் - இடபமாகிய மலையை நடாத்தியருளும்,
அபிராம சுந்தரன் - அபிராம சுந்தரன் என்றும், தேன்புடை கவிழ - தேன்
பக்கத்தில் நிரம்பச் சொரிய, பொன்னில் பூத்த - பொன்னைப் போல
மலர்ந்த, மரு பூசும் - மணம் நிறைந்த, சண்பக சுந்தரன் - சண்பக சுந்தரன்
என்றும், மகுட சுந்தரன் - மகுட சுந்தரன் என்றும் எ - று.

     அடைகளைக் கடம்பிற்கும் சண்பகத்திற்கும் கொள்க. எண்ணி வரும்
பெர்கள் பின்னே ‘இவை முதலா நாமம் அளப்பிலவாகும்’ என்பது
கொண்டு முடியும். வாழி, உட்கோள். தான், மன், ஓ என்பன
அசைகள். (33)