சேரன் - கழறிற்றறிவாராகிய சேரமான் பெருமான்; அறுபத்து மூன்று
தனியடியாருள் ஒருவர். திருமுகம் - ‘மதிமலி புரிசை’ என்னும் பாசுரம்.
பகை - ஈழநாட்டுப் பாடினி. அவை - இராசராச பாண்டியன் அவைக்
களம். (10)

     (இ - ள்.) வய ஏனக் குருளைகளை - வெற்றியையுடைய அந்தப்
பன்றிக் குட்டிகளை, மந்திரிகள் ஆக்கியது - அமைச்சர்களாகச் செய்
தருளியதும், கயவாய்க்கு - கரிக்குருவிக்கு, வலி உண்டாக - ஏனைய
பறவைகளைவிட வலிமை உண்டாகுமாறு, குருமொழ வைத்தருளியது -
உபதேசித் தருளியதும், நாரைக்குக் கருணை நாட்டம் தயவால் வைத்தருள்
- நாரைக்கு அருட் பார்வையைக் கருணையோடு வைத்தருளி, முத்தி
நல்கியதும் - வீடுபேற்றை அருளியதும், சித்ர் புயநாகம் போய் - எல்லாம்
வல்ல சித்தரின் கையில் அணிந்த கங்கணமாகிய நாகமானது சென்று,
கூடல் நகர் தன்னை வளைந்து - நான்மாடக்கூட லாகிய நகரை வளைந்து,
திருவாலவாய் ஆக்கிப் போந்தவாறும் - அதனைத் திருவாலவாய் என்னும்
பெயருடைய தாக்கி வந்த தன்மையும் எ - று.

     கயவாய் - கரிக்குருவி. குருமொழி வைத்தல் - உபதேசித்தல்.
வைத்தருளி யென்பது இகர விகுதி குறைந்து நின்றது; அருள் என்பதனை
முத்திக்கு அடையாக்கலுமாம். (11)

     (இ - ள்.) சுந்தரன் என்று எழுதிய - சுந்தரன் என்று பெயர்
எழுதப்பட்ட, கூர் அம்பு எய்து - கூரிய அம்பினை விடுத்து, செம்பியன்
போர் - சோழன் செய்த போரினை, தொலைத்தவாறும் - அழித்த
தன்மையும், செந்தமிழோர்க்கு இயல்பகை அருளியதும் - தூய தமிழை