மூன்று உலகத்துமுள்ள எல்லாவிடங்களிலும், துருவிக்காணான் - தேடியுங்
காணாதவனாய், குரவன் எங்கு உற்றான் என்னும் - ஆசிரியன்
எங்குற்றானோ என்னும், சங்கை கொள் மனத்தன் ஆகி - ஐயங்கொண்ட
மனத்தை யுடையவனாய், சதுர் முகன் இருக்கை சார்ந்தான் - சதுர்முகன்
இருப்பிடமாகிய சத்தியலோகத்தை அடைந்தான் எ - று.

     புக்கான் முதலியன முற்றெச்சங்கள். அவித்த பாசப் புங்கவர் என்றது
‘அருங்கேடன்’ என்பதுபோல நின்றது. (6)

     (இ - ள்.) அங்கும் துருவினன் காணான் - அங்கும் தேடிக் காணா
தவனாய், திசைமுகன் தாழ்ந்து தொழுது பரவி - நான்முகனை வீழ்ந்து
வணங்கித் துதித்து, முன்பட்ட எல்லாம் பகர்ந்தனன் - முன் நிகழ்ந்த
வற்றை எல்லாம் எஞ்சாது கூறினான்; பகர - கூற, மலர்மகன் கேட்டு -
பிரமன் கேட்டு, குரவனை இகழ்ந்த பாவம் கொழுந்து பட்டு - குரவனை
இகழ்ந்ததனாலாகிய பாவமானது கொழுந்து விட்டோங்கி, அருந்து செவ்வி
வருவது நோக்கி - அவனை விழுங்குங் காலம் வருதலை யறிந்து, சூழ்ந்து
இதனைச் சொன்னான் - ஆராய்ந்து இதனைச் சொல்வானாயினன் எ - று.

     கொழுந்து படுதல் - கிளைத்தல். ‘அண்ணாத்தல் செய்யாதளறு’
என்புழிப் போல ஈண்டுப் பாவம் அருந்தும் என்றார்; நுகரப்படும்
எனினுமாம். வருவது : தொழிற்பெயர். (7)

     (இ - ள்.) அனைய தொல குரவன் காணும் அளவும் - அந்தப்
பழமையான குரவனைக் காணும் வரையும், நீ துவட்டா ஈன்ற - நீ துவட்டா
வானவன் பெற்ற, தனையன் - புதல்வனும், முச்சென்றி உள்ளான் -
மூன்றுதலைகளையுடையவனும், தானவர் குலத்தில் வந்தும் - அசுரர்குலத்திற்
றோன்றியும், வினையினால் அறிவால் மேலான் - தொழிலாலும் அறிவாலும்
சிறந்தவனுமாகிய, விச்சுவ உருவன் என்னும் இனையனை - விச்சுவ
உருவனென்னும் பெயரையுடைய இவனை, குருவாக் கோடி என்னுலும் -
குரவனாகக் கொள்வாயாக என்று கூறலும், அதற்கு நேர்ந்தான் - அதற்கு
உடன்பட்டவனாய் எ - று.

     தானவர் - காசிபனுக்குத் தனு என்பாள் வயிற்றில் வந்தர். உம்மை
இழிவு சிறப்பு; எண்ணும்மைவிரிக்க. குருவா - தொகுத்தல். கோடி - கொள்
பகுதி : த் எழுத்துப் பேறு. நேர்ந்தான் : முற்று எச்சமாய் நின்றது. (8)