பார்வையால் நோக்கி, குலிச வேலால் தாக்கினான் - வச்சிரப் படையால்
மோதி, தலைகள் மூன்றும் - மூன்று தலைகளையும், தனித் தனி பறவை
யாகப் போக்கினான் - தனித் தனியே வெவ்வேறு பறவைகளாகப் போக்கி,
அலகை வாயில் - பேய்களின் வாய்களில், புலவுச் சோரி புகட்டினான் -
ஊனோடு கூடிய குருதியைப் புகச் செய்தான் எ - று.

     வேறாய் - வேறாக : எச்சத்திரிவு. ஓதி - ஞானம். நோக்கினான்
முதலியவற்றை எச்சமாகக் கொள்க. சோமபானஞ் செய்யுமுகம் காடை
யாகியும், சுராபானஞ் செய்யுமுகம் ஊர்க்குருவி யாகியும், அன்னபானங்
கொள்ளுமுகம் சிச்சிலியாகியும் பறந்தனவென வட நூல் கூறுமென்ப.
புகட்டினான், புகட்டு : பகுதி; புகவிடு என்பதன் மரூஉ. (11)

     (இ - ள்.) தெற்றென - விரைவாக, பிரமபாவம் - பிரமக்கொலைப்
பாவமானது, சீறி வந்து - முனிந்து வந்து, அமரர் வேந்தைப் பற்றலும் -
தேவர்க் கரசனைப் பற்றியவுடனே, அதனைத் தீர்ப்பான் - அதனை நீக்கும்
பொருட்டு, பண்ணவர் வேண்டினர் - தேவர்கள் விரும்பினவர்களாகி,
மரமேல் மண்மேல் பொன் தொடியார் மேல் நீர்மேல்புகுத்த லோடும் -
மரங்களின் மேலும் பூமியின் மேலும் பொன்னாலாகிய வளையலையணிந்த
மகளிர்மேலும் நீர்மேலும் கூறுசெய்து புகுத்திய வுடனே, அவர் இஃது யாம்
தீர்க்கும் வண்ணம் யாது என்ன - அவர்கள் இதனை யாங்கள் நீக்கும்
வகை எவ்வாறு என்று கேட்க, விண்ணோர் - தேவர்கள் எ - று.

     புகுத்தல் - புகச்செய்தல், இருதிணையும் விரவிச் சிறப்பால் உயர்
திணை முடிவு பெற்றன; வழுவமைதி; பிறவற்றைத் தெய்வமாகக் கருதி
உயர்திணையாற் கூறினாரென்னலுமாம். (12)

     (இ - ள்.) அப்பு இடை நுரையாய் - நீரினிடத்து நுரையாகியும்,
மண்ணில் அருவருப்பு உவராய் - நிலத்தினிடத்து அருவருக்கத் தக்க
உவராகியும், அம்பொன் செப்பு இளங் கொங்கையார் பால் - அழகிய
பொன்னாலாகிய சிமிழை ஒத்த இளமையான கொங்கைகளையுடைய
மகளிரிடத்து, தீண்டுதற்கு அரிய பூப்பாய் - தீண்டுதற்காகாத பூப் பாகியும்,
கப்பு இணர் மரத்தில் - கிளைகளையும் பூங்கொத்துக்களையு முடைய
மரங்களிடத்து, காலும் பயின் ஆய் - கசிந்தொழுகும் பிசினாகியும், கழிக
என்றார் - நீங்குக என்று கூறினார்; பின்னும் - மீளவும், இப்பழி சுமந்த
எங்கட்கு என் நலம் என்றார் - இப்பழியைத் தாங்கிய எங்களுக்கு என்ன
பயன் என்று அந்நால்வரும வினவினார் எ - று.