அன்மொழித் தொகையை விரிக்க. வெள்ளை யானையின் மேலிருக்கும் கரிய
நிறமுடைய இந்திரனக்குப் பனி மலை மேலுதித்த கருஞாயிறு உவமம். இஃது
இல்பொருளுவமை யணி. (19)

     (இ - ள்.) அறத்தொடு பாவம் நேர்ந்தது என்ன - அறமும் பாவமும்
எதிர்ந்தாற்போல, ஆர்த்து - ஆரவாரித்து, இருதிறத்தரும் - இரண்டு
பகுதியாரும், மூண்டு அமர் செய்ய - எதிர்ந்து போரினைச் செய்ய, கல் சிறை
குறைத்தவன் - மலைகளின் சிறையை அறுத்தவனாகிய இந்திரன்,
தகுவன்மேல் - அசுரனாகிய விருத்திரன் மேல், குலிசவேல் எடுத்து
உறைத்திட வீசினான் - வச்சிரப் படையை எடுத்து உறைக்கும் படி வீசினான்;
கள்வனும் உடன்று - விருத்திரனும் சினந்து எ - று.

     ஒடு : எண்ணொடு; நேர்ந்தது. விகாரமாயிற்று. நேர்ந்தென்பதற்கேற்ப
மூண்டு என்பதற்கு எதிர்ந்து எனப்பொருளுரைக்கப்பட்டது, சின மூண்டு
என்றுமாம். வானவனும தானவனும் என்பது தோன்ற இருவரென்னாது இரு
திறத்தரும் என்றார்; படைகளை உளப்படுத்தியுமாம். வானவனக்கு அறமும்,
தானவனுக்குப் பாவமும் உவமம். அறமும் பாவமும் உருவெடுத்து எதிர்ந்தாற்
போல என்றுமாம். தகுவன் - அசுரன். குலிசவேல் : இருபெயரொட்டு (20)

     (இ - ள்.) இடித்தனன் - ஆரவாரித்து, ஓர் இருப்பு உலக்கையை
கையில் பிடித்தனன் - ஒரு இருப்புலக்கையை்க் கரத்திற்றாங்கி, வரை யெனப்
பெயர்ந்து - மலைபோல அடிபெயர்ந்து, தீ எனத் துடித்தனன் - தீப்போலத்
துள்ளி, சசிமுலைச் சுவடுதோய் புயதது அடித்தனன் - இந்திராணியின்
தனச்சுவடு பொருந்திய தோளின்கண் தாக்கினான்; இந்திரன் அவசம்
ஆயினான் - இந்திரன் மூர்ச்சையானான் எ - று.

     இடித்தனன் முதலிய மூன்றும் முற்றெச்சம். வரை பெயர்தல் போலப்
பெயர்ந்து என விரிக்க : இல்பொருளுவமை. அடித்தனன் என்பதனுடன்
ஆக என்னும் இடைச்சொற் கூட்டி எச்சப்படுத்தலுமாம். அவசம் -
வசமிழத்தல். (21)

     (பா - ம்.) * எடுத்தனன் கையில்.