வாளி - வலிமையுடைய அம்புகளை, தொடுத்தனர் தூர்த்தனர் - தொடுத்து
நிறைத்தார்கள்; குந்தம் நேமி விடுத்தனர் - (அவருட் சிலர்) கைவேலையும்
திகிரியையும் எறிந்தார்கள் எ - று.

     எறிதல் - நாணினைத் தெறித்தல். குற்தம் - கைவேல். வானோராகிய
வீரரென்பதே கருத்து. அடுத்தனர் முதலிய ஐந்தும் எச்சமாய் முன்னைய
நான்கும் முறையே ஒன்று ஒன்றனைக்கொண்டு முடிய ஈற்றது தூர்த்தனர்
என்னும் வினைகொண்டு முடிந்தது. (39)

     (இ - ள்.) வானவீரர் - தேவவீரர்கள், அவுணச் சேனை வீரரை -
அசுரப்படை வீரர்களை, கிட்டினர் - நெருங்கி, கடகக் கையால் -
தொடியணிந்த கைகளால், கிளர்வரை அனைய திண் தோள் கொட்டினர் -
விளங்கா நின்ற மலையை ஒத்த வலிய தோள்களைத் தட்டி, சாரி மாறிக்
குதித்தனர் - இடசாரி வலசாரியாக மாறிக்குதித்து, பலகை நீட்டி முட்டினர் -
கேடகத்தை நீட்டி மோதி, அண்டம் விள்ள முழங்கினர் - அண்டம் பிளக்க
ஆரவாரித்து, வடிவாள் ஓச்சி வெட்டினர் - கூரிய வாளை வீசி
வெட்டினார்கள் எ - று.

     கடகம் - வீரவளை. வடிவாள் - வடித்த வாளுமாம். வானவ வீரர்
என்பது விகாரமாயிற்று. (40)

     (இ - ள்.) வஞ்சகன் சேனை மள்ளர் - வஞ்சகனாகிய விருத்திரன்
படைவீரர்கள், அடுபோர் ஆற்றி - கொல்லுதலையுடைய போரினைச் செய்து,
தோளும் தாளும் வீழ்ந்தனர் - தோள்களும் கால்களும் அறு பட்டவர்களும்,
சோரி விண்டனர் - குருதி சொரிந்தவர்களும், வெள்ளத்து ஆழ்ந்தனர் -
அவ் வெள்ளத்தில் மூழ்கினவர்களும், போரும் தாரும் அகன்றனர் -
போரினையும் தும்பை மாலையினையும் நீங்கினவர்களும், அகன்ற மார்பம்
போழ்ந்தனர் - பரந்த மார்பு பிளக்கப்பட்ட வர்களும், சீரங்கள் எங்கும்
புரண்டனர் - எவ்விடத்தும் தலைவள் புரளப்பட்டவர்களும், கூற்று ஊர்
புக்கு வாழ்ந்தனர் - கூற்றுவனுலகு சென்று வாழ்ந்தவர்களும் (ஆயினார்)
எ - று.

     கீழே விழுந்தனர் தோளும் தாளும் விண்டனர் என்றும், விண்டனர்
வீழ்ந்தனரெனக் கூட்டித் தோளும் தாளும் அற்று வீழ்ந்தனர் என்றும்
உரைத்தலுமாம். ஆயினார் என ஒரு சொல் வருவித்து முடிக்கப்பட்டது.
மள்ளருட் சிலர் வீழ்ந்தனர், சிலர் விண்டனர் என இங்ஙனம் முற்றாகவே

     (பா - ம்.) * அவுணர் சேனை.