வைகும், அடக்கும் என்னும் பெயரெச்சங்கள் முறையே இடப்
பெயரும், கருவிப் பெயரும் கொண்டன. உழுந்து அமிழுமள வென்க.
இதென் : விகாரம். ஈதோரதிசயமாமா என்றவாறு. கொல் : அசை. வையமும்
என்னும் உம்மை தொக்கது. இது வேற்றுப் பொருள் வைப்பணி. (53)

     (இ - ள்.) அறம் துறந்து ஈட்டுவார்தம - அறத்தைக் கைவிட்டுத்
தேடுபவர்களின், அரும் பெறல் செல்வம்போல - பெறுதற்கரிய
செல்வத்தைப்போல, படு நீர்ப் பௌவம் வறந்தன - ஆழமாகிய நீரினை
யுடைய கடல் முழுதும் வற்றின; வடவைகண் புலப்பட்டாங்கு - அங்குள்ள
வடவைத் தீ கண்களுக்குத் தோன்றினாற்போல, நிறைந்த செம் மணியும் -
மிகுந்த செந்நிறத்தையுடையமாணிக்கங்களும்,அத்தீநீண்டு எரி சிகைபோல் -
அந் நெருப்பு உயர்ந்து எரிகிற் கொழுந்து போல, நீண்டு சிறந்து எழு
பவளக்காடும் - ஓங்கிச் சிறப்புற் றெழுந்த பவளக் காடும், திணி இருள்
விழுங்கிற்று - மிக்க இருளை விழுங்கின எ - று.

     அறந்துறந் தீட்டுதல் - பழிபாவங்களான் ஈட்டுதல். பெறலரும் என
மாற்றுக. படுநீர் - மிக்க நீர்; ஒலிக்கின்ற நீருமாம். வறந்தன எனப்
பன்மையாகக் கூறினமையால் கடலின் எல்லா இடங்களும் என்றாவது
எல்லாக் கடல்களும் என்றாவது கொள்க. திணிஇருள் - செறிந்த இருள்.
விழுங்கிற்று என்னும் வினையைச் செம்மணி, பவளக் காடு என்பவற்றுடன்
தனித்தனி கூட்டுக. அம்மா : வியப்பிடைச்சொல். ‘விழுங்குமன்றே’
எனப்பாடங்கொண்டாருமுளர்; அவர்பலவிடத்தும் தாமாகவே பாடங்களை
மாற்றிக் கொண்டிருத்தலின் அவைகொள்ளற் பாலன வல்லவென்க. (54)

     (இ - ள்.) பணிகளின் மகுடகோடிப் பரப்பு என - (கடலானது,
பாதரத்திலுள்ள) பாம்புகளின் மகுட வரிசையின் பரப்பைப்போல, விளங்கி -
ஒளி வீசி, பல்காசு அணிகலப பேழை - பல மணிகள் பதித்த
அணிகலன்களை வைத்த பெட்டியின், பேழ்வாய் திறந்து அனைத்து ஆகி -
பெரிய வாயைத் திறந்து வைத்ததுபோலாகி, ஒன்பான் மணி கிடந்து அமைக்கு
நீரால் - ஒன்பது வகை மணிகளும் தங்கி ஒளிவிடுந் தன்மையால், மகபதி
வேள்விக்கு ஆவாய் - இந்திரன் வேள்விக்குப் பசுவாகி, திணி உடல்
அவுணன் பட்ட - வலிய உடலையுடைய வலாசுரன் இறந்துபட்ட, செங்களம்
அனையது - போர்க்களம் போன்றது எ - று.

     பணி - படத்தையுடையது எனக் காரணக்குறி; பணம் - படம். கோடி
- வரிசை; மிகுதியுமாம். பல் காசினையும் அணிகலங்களையுமுடைய பேழை