(இ - ள்.) மகவான் - இந்திரனானவன், அரன் திசை ஓர் வாவி -
ஈசான திசையில் உள்ள ஒரு குளத்தில், விழைந்து வீழ்ந்து ஒரு கமல நூலுள்
கரந்தனன் - விரைவாகக் குதித்து ஒரு தாமரைத்தண்டின் நூலினுள்
மறைந்தான்; இப்பால் கற்பக நாடு புல்லென்று இருந்தது - இப்புறம்
தேவவுலகம் பொலிவழிந்திருந்தது; இருக்கும் எல்லை - அங்ஙனமிருக்குங்
காலததில், இம்பரில் நகுடன் என்போன் - நிலவுலகில் நகுடனென்னும்
மன்னன், அரும்பரி மேதவேள்வி ஆற்றினான் - அரிய அசுவமேதயாகிய
வேள்வியைச் செய்தான்; ஆற்றும் எல்லை - அங்ஙனம் செய்துவரும்
பொழுதில் எ - று.

     அரன் திசை - ஈசான திசை, வடகிழக்கு; ஈசான திசையிலுள்ள
உருத்திர வுலகத்தில் என்று சிலர் கூறுவர். தாமரை நாளத்திலுள்ள நூல்.
ஆல் : அசை. நகுடன் சந்திர வமிசத்து ஆயுவின் மகன், யயாதி
முதலானோர்க்குத் தந்தை. (60)

     (இ - ள்.) வானாடர் யாரும் - தேவர்களனைவரும், அரசு இலா
வறுமை நோக்கி - தங்கட்கு மன்னனில்லாத வறுமையைக் கருதி, அவனை
- அந் நகுடனை, விரைசெய்தார் மகுடம் சூட்டி - மணம் வீசும்
மாலையையுடைய முடியைச் சூட்டி, வேந்தனாக் கொண்டார் - அரசனாகக்
கொண்டார்கள்; வேந்தாய் வருபவன் - அரவனாய் வந்த நகுடன், சசியை
ஈண்டுத் தருகென - இந்திராணியை இங்கு அழையுங்கள் என்ன, மருங்குளார்
போய் - பக்கத்திலுள்ளவர்கள் போய், திரை செய் நீர் அமுது அன்னாட்கு -
அலைகளை வீசுகின்ற கடலிற் றோன்றிய அமுதத்தை யொத்த இந்திராணிக்கு,
செப்ப - சொல்ல அக் கற்பின் மிக்காள் - அந்தக் கற்பின் மேம்பட்டவள்
எ - று.

     யாரும் என்பது எஞ்சாமை குறித்தது. மகுடஞ் சூட்டி யென்பதனை ஒரு
சொல்லாகக் கொண்டு அவனை யென்னும் இரண்டாவதற்கு முடி பாக்குக.
ஆக என்பது ஈறு தொக்கது. ஆய் - ஆகி. தருகென : அகரம் தொகுத்தல்.
(61)