(இ - ள்.) மின் உயிர்த்து அனையாள் - மின்னல் ஒரு வடிவு
கொண்டதை ஒத்த அவள், பொன் உயிர்த்து அனைய காட்சி - பொன் ஓர்
உருப்பெற்றதை ஒத்த தோற்றத்தையுடைய, புண்ணிய குரவன் முன்னர்ச்
சென்று நின்று கூறுவாள், அடிகள் - அடிகளே, இது என் கொல் கெட்டேன்
- இஃது என்ன வியப்பு, என் உயிர்த்துணைவன் ஆங்கே இருக்க - என்
உயிர்த்துணைவன் அவ்விடத்து உயிரோடிருக்கவும், மற்றொருவன் -
வேறொருவன், என்னைத் தன் உயிர்த்துணையாக் கொள்கை - என்னைத்
தன் உயித்துணைவியாகக் கொள்ளுதல், தருமமோ என்றாள் - அறமோ
என்று கூறினாள் எ - று.

     உயிர்த்தல் - உருவுகொள்ளுதல். உயிர்த்தது இரண்டும் விகாரமாயின.
இதென் : விகாரம். கொல் : அசை நிலை. கெட்டேன் : வியப்பிடைச் சொல்;
அவலமுமாம். என்னுயிர், தன்னுயிர் என்பன உடையதும் உடைமையும்
வேறாகாத ஒற்றுமைக் கிழமைப் பொருளில் வந்த ஆறாம் வேற்றுமைத்
தொகைநிலைத் தொடர்கள். (62)

     (இ - ள்.) மாதவர் எழுவர் தாங்க - முனிவர் எழுவரும் தாங்க,
மாமணிச் சிவிகைமீது போதரின் - பெருமை பொருந்திய மணிகள் அழுத்திய
சிவிகையின்மேல் வந்தால், அவனே வானோர் புரந்தரன் - அவனே
தேவர்களைப் புரக்கின்ற வேந்தனாவான்; அவனே உன்றன் காதலன் ஆகும்
என்றான் - அவனே நின் நாயகனுமாவான் என்றான்; கைதொழுது - வணங்கி,
அதற்கு நேர்ந்து - அதற்குடன்பட்டு, அம் மேதகு சிறப்பால் இங்கு வருகென
- அந்தமேன்மையான சிறப்போடு நகுடன் இங்கே வருகென - அந்த
மேன்மையான சிறப்போடு நகுடன் இங்கே வருகவென்று, தூது விடுத்தாள் -
தூதினைப் போக்கினாள் எ - று.

     மாதவர் எழுவர் - சத்தமுனிகள் : அகத்தியன், ஆங்கிரசன், கோதமன்,
காசிபன், புலத்தியன், மார்க்கண்டன், வசிட்டன் என்போர். தன் : சாரியை.
வருகென : தொகுத்தல். (63)