(இ - ள்.) வானோர் - தேவர்கள், பின்னர் தம் குரவனான பிரான்
அடிபணிந்து - பின்பு தம் குரவனாகிய வியாழபகவான் திருவடியைப் பணிந்து, ஐய - ஐயனே, பொன் நகர் - பொன்னுலகமானது, வேந்தன் இன்னி -
மன்னில்லாமல், புலம்பு அடைகின்றது - வருந்துகின்றது, என்னலும் - என்று
வேண்டிக் கோடலும், குரவன் போய் ஆசிரியன் சென்று, இலஞ்சியுள்
ஒளித்தான் கூவி - அந்தக் குளத்தில் மறைந்த இந்திரனை அழைத்து, தன்
உரை அறிந்து போந்த - தன் சொல்லை அறிந்து வெளிவந்த, சதமகன்
கொண்டு மீண்டான் - இந்திரனைஉடன் கொண்டு திரும்பினான் எ - று.

     தன் உரை அறிதல் - ஒலி யியற்கையால் தனது மொழியென அறிதல்.
ஒளித்தான், சதமகன் என்னும் உயர்திணைப் பெயர்கள் இரண்டாம்
வேற்றுமை யாகலின் ஈறு திரிந்தன. (66)

     (இ - ள்.) கொடும்பழி கோட்படடான் - கொடிய பாவத்தால்
பீடிக்கப்பட்டவனாகிய இந்திரன், தன் குரவனை வணங்கி - தன் குருவைத்
தொழுது, என்னைச் சுடும்பழி கழிவது எங்ஙன் சொல் என - என்னை
வருத்துகின்ற இப்பாவமானது நீங்குவது எவ்வாறு சொல்லுக என்று கேட்க,
தொலைவது ஓர்ந்தான் - தீரும் வழியை அறிந்தவனாகிய அக் குரவன்,
அடும்பழி மண்மேல் அனிற் அறாது - வருத்தும் பாவமானது
நிலவுலகத்தல்லாமல் (வேறு இடத்தில்) நீங்காது, நீ வேட்டைக்கு என்ன - நீ
வேம்டையைக் காரணமாகக் கொண்டு, படும்பழி இதனைத் தீர்ப்பான் -
உண்டாகிய இப்பாவத்தைத் தீர்க்கும் பொருட்டு. பார்மிசை வருதி என்றான் -
பூவுலகின்கண் வருவாய் என்று கூறினான் எ - று.

     கோட்பட்டான் - கொள்ளப்பட்டான். பழி கோட்பட்டான் என்பது
தம்மினாகிய தொழிற்சொல் வந்தமையின் இயல்பாயிற்று. சுடும் பழி, அடும்பழி
ஒரு பொருளன. சுடும்பழி முதலியவற்றைச் சுட்டாகக் கொள்க. எங்ஙனம்
என்பது குறைந்து நின்றது. அடும்பழி - கொலைப் பாவம் என்பாருமுளர்.
வேட்டையை வியாசமாகக் கொண்டு என்க. படும் : இறந்தகாலத்தில் வந்தது.
(67)

     (இ - ள்.) ஈசனுக்கு இழைத்த குற்றம் - கடவுளுக்குச் செய்த குற்றத்தை, தேசிகன் எண்ணித் தீர்க்கும் - குரவன் தீரும் வழியை ஆராய்ந்து தீர்ப்பான்;
தேசிகற்கு இழைத்த குற்றம் - குரவனுக்குச் செய்த குற்றத்தை, குரவனே
தீர்ப்பது அன்றி - அத்தேசிகனே நீக்குவ தல்லாமல், பேசுவது எவன் - வேறு
கூறுவது யாது; தன்பால் பிழைத்த காரணத்தால் வந்த -