புள் ஏறு - பறவைகளுக் கிறையாய கலுழன். கொல் : ஐயப் பொருட்டு.
உற்றதே கொல் என்று கருதி, அச்சோவென் றோதி என்னலுமாம். அச்சோ :
இரக்கக் குறிப்பையுணர்த்தும் இடைச்சொல். ‘அளியவா வச்சோ’ என்னும்
பாடத்திற்கு அளிய ஆ அச்சோ என்று ஓதி எனப் பிரித்துப் பொருள்
கொள்க; இதில் அளியது என்னும் துவ்வீறு குறைந்ததெனல் வேண்டும்.
மாது, ஓ : அசை. (73)

     (இ - ள்.) நொச்சி பசு இலை அன்ன - நொச்சியின் பசிய (பிளந்த)
இலையை ஒத்த, பைந்தாள் மஞ்ஞை - பசிய (பிளந்த) கால்களையுடைய
மயில்கள், பெடை தழுவி மணம் செய்ய - பெண்மயில்களைக் கூடி மணஞ்
செய்யா நிற்க, மணஅறையில் - மணஞ் செய்யும் அவ்விடத்தில். பட அரவம்
- படத்தினையுடையபாம்புகள், மணிஈன்றுவிளக்கு இடுவ - மணிகளை
உமிழ்ந்து விளக்கிடுவன; அடர்சிறைமென் குயில் - அடர்ந்த சிறகினையுடைய
மெல்லிய குயில்கள், பெருந்தண் கானத்து - பெரிய குளிர்ந்த காட்டின்கண்,
ஓம் என்று ஆர்ப்ப - ஓ மென்று ஒலிக்கா நிற்கவும், மடக்கிள்ளை -
இளமையுடையகிளிகள், எழுந்து ஐந்தும் - திருவைந் தெழுத்தினையும், ஓசைத்
தொடர்பு பெற - ஓசையின் தொடர்ச்சிபெற, உச்சரிப்ப - உச்சரிக்கவும்,
தொடி கண் பூவை - வளைபோன்ற வட்ட மாகிய கண்களையுடைய
நாகணவாய்ப் பறவைகள், குருமொழிகோட் டாங்கு உவப்ப - குரு
மொழியைக் கோட்டு மகிழ்வது போல் (அவற்றைக் கேட்டு) மகிழ்வன
எ - று.

     அடர் - தகடுமாம். ஓமென்றார்த்தல் - பிரணவ வொலிசெய்தல்.
திருவைந் தெழுத்தை விதிப்படி உச்சரிக்க என்றவாறு. அவற்றைக் குருவின்
உபதேசமாகக் கேட்டு என விரித்து, ஆங்கு என்பதற்கு அவ் விடத்தில்
எனப் பொருள் கூறலுமாம். இடுவ, உவப்ப என்பன அன்பெறாத பலவின்பால்
முற்றுக்கள். (74)