(இ - ள்.) விலங்கொடு புள்ளின் - மிருகங்களோடு பறவைகளின்,
இன்ன செயற்கு அரிய செயல் நோக்கி - இத்தன்மையவான செயற் கருஞ்
செயல்களைக் கண்டு, இறும்பூது எய்தி - வியப்புற்று, புளகம் உடல் புதைப்ப
- புளகமானது உடல் முழுதையும் போர்க்கவும், நிறை மகிழ்ச்சி உளம்புதைப்ப
- நிறைந்த களிப்பானது உள்ளத்தை மூடவும், போவான் பொன் நகரான் -
செல்கின்றவனாகிய பொன் நகரத்தை யுடைய இந்திரனுக்கு, அன்ன பொழுது
- அப்பொழுது, இன் சுவைப் பால் அருந்துவான் முன் - இனிய
சுவையையுடைய பாலைப் பருகுகின்றவன் முன்னர், பின் அரிய தேன்
சொரிந்தாங்கு - பின்பு கிடைத்தற்கரியதேனைப் பொழிந்ததுபோல,
உவகைமேல் பேருவகை பெருக - மகிழ்ச்சிமேல் பெரு மகிழ்ச்சி மிக,
ஒற்றுவர் மீண்டு அடிவணங்கிச் சொல்வார் - தூதுவர் திரும்பி வந்து அடியில்
வணங்கிக் கூறுவாராயினர் எ - று.

     ஒடு : எண்ணொடு. புளகம் - மயிர் முகிழப்பு. அன்ன பொழுது -
அப்பொழுது : சுட்டு. நறிய என்னும் பாடத்திற்கு நன் மணமுள்ள என்று
பொருள் கூறிக்கொள்க. (75)

     (இ - ள்.) எப்புவனத்திலும் என்றும் கண்டு அறியா அதிசயமும் -
எந்த உலகத்திலும் எக்காலத்திலும் கண்டறியாத வியப்பும், எண்ணுக்கு
வய்தாத் திப்பியமும் - அளவைக்கு எட்டாத சிறப்பும், இக் கடம்ப வனத்து -
இக்கடம்ப வனத்தின்கண், இன்று கண்டு உவகை திளைத்தேம் - இன்று
பார்த்து மகிழ்ச்சியில் மூழ்கினோம்; (என்ன வெனில்), அங்கண் -
அவ்விடத்து, வைப்பு அனைய - சேம நிதிபோன்ற, ஒரு புனித வாவி
மருங்கு - ஒரு தூய தீர்த்தக் கரையின் பக்கத்தில், ஒரு கடம்ப வனத்தின்
நீழல் - ஒரு கடம்ப மரத்தின் நீழலில், ஒப்பு இல் ஒளியாய் முளைத்த -
ஒப்பற்ற ஒளிப் பிழம்பாய்த் தோன்றிய, சிவலிங்கம் ஒன்று உளது என்று -
சிவலிங்கம் ஒன்று இருக்கிறதென்று, உரைப்பக் கேட்டான் - சொல்லக்
கேட்டான் எ - று.

     எண்ணுக்கு - கருதலுக்கு என்றுமாம். ஒரு கடம்ப வனம் - ஒரு
கடம்பமரம்; மரம் என்று பாடமிருத்தல் சிறப்பு. ஒற்றுவர் உரைப்ப இந்திரன்
கேட்டானென்க. (76)