(இ - ள்.) அமரர் கோமான் - தேவர்க் கரசனானவன், பார் ஆர -
நிலந்தோய, அட்டாங்கபஞ்சாங்க விதிமுறையால் பணிந்து - அட்டாங்க
பஞ்சாங்க விதிப்படி வணங்கி, உள் வாய் மெய் - மனம் மொழி மெய் என்னு
மூன்றும், நேராக - ஒன்று பட, சூழ்ந்து - வலம் வந்து, உடலம் கம்பித்து -
உடல நடுங்கி, கும்பிட்டு - தொழுது, நிருத்தம் செய்து - கூத்தாடி, தார்
ஆரும் தொடை மிதப் - மலர்களால் நிறைந்த (மார்பின் மாலையானது
மிதக்கும்படி, ஆனந்தக் கண் அருவி ததும்ப - கண் களினின்றும் இன்ப
அருவியானது பெருக, நின்று - உருகி நின்று, ஆராமை அன்பு மீக்கொள -
(சிவானந்தம்) தெவிட்டாமையால் அன்பு மேன்மேல் மிக, அஞ்சலித்துத்
துதிக்கின்றான் - கைகூப்பித் துதிப்பானாயினான் எ - று.

     அட்டாங்கம் - எட்டுறுப்பு; பஞ்சாங்கம் - ஐந்துறுப்பு; அவை முற்
கூறப்பட்டன. தார் என்பது ஈண்டு மலரைக் குறிக்கின்றது. அன்பும்
ஆராமையும் என்னலுமாம். (86)

     (இ - ள்.) அங்கணா போற்றி - அழகிய கண்களையுடையவனே
வணக்கம்; வாய்மை ஆரணா போற்றி - உண்மையாகிய மறைகளை
அருளியவனே வணக்கம்; நாககங்கணாபோற்றி - அரவ கங்கண
முடையவனே வணக்கம்; மூலகாரணா போற்றி - மூலகாரணனே வணக்கம்;
நெற்றிச் செங்கணாபோற்றி - நெற்றியில் சிவந்தகண்ணையுடையவனே
வணக்கம்; ஆதி சிவ பரஞ்சுடரே போற்றி - (எல்லாவற்றுக்கும்) முதலாயுள்ள
சிவமாகிய பரஞ்சோதியே வணக்கம்; எங்கள் நாயகனே போற்றி - எங்கள்
தலைவனே வணக்கம்; ஈறு இலா முதலே போற்றி - முடிவு இல்லாத
முதற்பொருளே வணக்கம் எ - று.

     கண்ணுக்கு அழகாவது அருளுடைத்தாதல். போற்றி : வணக்கம் எனப்
பொருள்படும் தொழிற் பெயர்; காக்க என்னும் பொருட்டாய
வியங்கோளுமாம். காரண மெல்லாவற்றுக்கும் மூலமாகிய காரண மானவன்.
(87)

     (இ - ள்.) யாவையும்படைப்பாய் போற்றி - அனைத்தையும் ஆக்குப
வனே வணக்கம்; யாவையும் துடைப்பாய் போற்றி - அவையனைத்தையும்
அழிப்பவனே வணக்கம்; யாவையும் ஆனாய் போற்றி - எல்லாமு மானவனே
வணக்கம்; யாவையும் அல்லாய்போற்றி - அவை முற்றும்