"தாதையைத் தாளற
வீசிய சண்டிக்கு மண்டத்தொடு முடனே
பூதலத் தோரும் வணங்கப்பொற் கோயிலும் போனகமும் அருளிச்
சோதி மணிமுடித் தாமமு நாமமுந் தொண்டர்க்கு நாயகமும்
பாதகத் துக்குப் பரிசுவைத் தானுக்கே பல்லாண்டு கூறுதுமே" |
என்று சேந்தனாரும்
அருளிச்செய்திருத்தல் காண்க. (22)
|
நூல்செய்தற்குக்
காரணம்
[வேறு]
|
அண்ணல்பாற்
றெளிந்த நந்தி யடிகள்பாற் சநற்கு மாரன்
உண்ணிறை யன்பி னாய்ந்து வியாதனுக் குணர்த்த வந்தப்
புண்ணிய முனிவன் சூதற் கோதிய புராண மூவா
றெண்ணிய விவற்றுட் காந்தத் தீசசங் கிதையின் மாதோ. |
(இ
- ள்.) அண்ணல்பால் - பெருமை பொருந்திய சிவபிரானிடத்து,
தெளிந்த - கேட்டுத் தெளிந்த, நந்தி அடிகள்பால் - நந்தி தேவரிடம்,
சநற்குமாரன் - சநற்குமார முனிவன், உள் நிறை அன்பின் - உள்ளத்தில்
நிறைந்த அன்பினோடு. ஆய்ந்து - கேட்டு ஆராய்ந்து, வியாதனுக்கு
உணர்த்த - வியாசமுனிவனுக்கு அறிவிக்க, அந்தப்புண்ணிய முனிவன் -
அந்தப் புண்ணியங்களையுடைய வியாசமுனிவன், சூதற்கு - சூதமுனிவனுக்கு,
ஓதிய - சொன்ன, புராணம் மூவாறு - புராணங்கள் பதினெட்டாகும்;
எண்ணிய இவற்றுள் - மதிக்கப் பெற்ற இப்பதினெண் புராணங்களுள்,
காந்தத்து - காந்தமகாபுராணத்தில், ஈசசங்கிதையின் - சங்கரசங்கிதையில்
எ - று.
நந்தியடிகள்,
சிலாதரமுனிவன் புதல்ர்; கோடியாண்டு அருந்தவம்
புரிந்து சிவபெருமானுக்கு ஊர்தியும், வாயில் காப்போரு மாயினவர்;
சைவசந்தான முதற் குரவர்; சனற்குமாரன், வியாதன், சூதன் என்போர்
வரலாறுகளும், பதினெண்புராணங்களின் பெயர் முதலியவும் பின்
புராணவரலாறு கூறுமிடத்தே விளக்கப்படும். மாது, ஓ : அசைகள். (23)
அறைந்திடப்
பட்ட தாகு மாலவாய்ப் புகழ்மை யந்தச்
சிறந்திடும் வடநூ றன்னைத் தென்சொலாற் செய்தி யென்றிங்
குறைந்திடும் பெரியோர் கூறக் கடைப்பிடித் துறுதி யிந்தப்
பிறந்திடும் பிறப்பி லெய்தப் பெறுதுமென் றுள்ளந் தேறா. |
(இ
- ள்.) ஆலவாய்ப்புகழ்மை - திருவாலவாயென்னும் மதுரையின்
பெருமை, அறைந்திடப்பட்டது ஆகும் - கூறப்பெற்றது ஆகும்; அந்தச்
சிறந்திடும் வடநூல் தன்னை - அந்தச் சிறந்த வடநூலுட் கூறப்பட்ட
பெருமைகளை, தென்சொலால் செய்தி என்று - தமிழ்மொழியால்
கூறுவாயென்று, இங்கு உறைந்திடும் - இவ்விடத்து (மதுரையில்) வசிக்கும்,
பெரியோர் கூற - பெரியோர்கள் பணிக்க, பிறந்திடும் இந்தப் பிறப்பில் -
பிறந்த இப்பிறவியிலேயே, உறுதி எய்தப் பெறுதும் என்று - பிறப்பின்பயனை
|