புனைந்த மௌலியென்க, புனைந்த தார் எனினுமாம். சொற்பதம் : ஒரு பொருளிரு சொல்;

என்பது திருவாசகம். (21)

     (இ - ள்.) சரணம் - வணக்கம்; மங்கை ஓர் பங்கு உறை சங்கர
சரணம் - உமையம்மை ஒருபாதியி லுறையப்பெற்ற சங்கரனே வணக்கம்;
சரணம் - வணக்கம்; மங்கலம் ஆயி தனிமுதல் சரணம் - மங்கல வடிவாகிய
ஒப்பற்ற முதற்பொருளே வணக்கம்; சரணம் - வணக்கம்; மந்திர வடிவம்
ஆம் சதாசிவ சரணம் - மந்திர வடிவாகிய சதாசிவமூர்த்தியே வணக்கம்;
உம்பர்கள் நாயக சரணம் - தேவர்கள் தலைவனே வணக்கம்; பசுபதி
சரணம் உயிர்களின் தலைவ வணக்கம் எ - று.

     சரணம் - அடைக்கலம் என்றுமாம். ஈரிடத்து இரட்டித்துக் கூறினார்.
இறைவனுக்கு மந்திரம் வடிவமாதலை,

என்னும் சிவஞானசித்தித் திருவிருத்தத்தா லறிக. (22)

     (இ - ள்.) ஆழி ஞாலம் மேல் ஆசையும் - கடலாற் சூழப்பட்ட
நிலவுலகின் மேலுண்டாகும் இச்சையையும், அமரர் வான் பதம்மேல் வீழும்
ஆசையும் - தேவர்களின் உயர்ந்த பதவிகளின்மேல் சென்று பொருந்தும்
அவாவையும், வெறுத்தவர்க்கு அன்றி - உவர்த்தவர்களுக்கு எய்துவதே
அல்லாமல், மண் ஆண்டு - பூமியை ஆண்டு, பீழை மூழ்கி - துன்பத்தில்
அழுந்தி, வான் நரகொடு பிணிபடச் சுழலும் - சுவர்க்கத்திலும் நரகத்திலும்
கட்டுண்டு சுழலுகின்ற, ஏழை யேங்களுக்கு - அறிவிலேமாகிய எங்களுக்கும்,
எந்தை எம் தந்தையே, நின் கருணை ஆவதோ - நினது திருவருள் எய்தக்
கடவதோ எ - று.

     ஞாலமே லாசை, பதமேல் விழு மாசை - அவற்றை ஆளவேண்டு
மென்னும் ஆசை; அவற்றிலுள்ள போக விச்சையுமாம். வீழும் -
விரும்புமெனினுமாம். வான் நரகொடு புவியிலுஞ் சுழலும் என வருவித்
துரைத்தலுமாம்.