அடையக் கடவேம் என்று, கடைப்பிடித்து - உறுதியாகக்கொண்டு, உள்ளம்
தேறா - சிந்தை தெளிந்து எ - று.

     அறைந்திட என்பதில் இடு, துணைவிளை. புகழமை என்பதில், மை :
பகுதிப்பொருள் விகுதி. அந்த வடநூல் எனவும், இந்தப் பிறப்பில் எனவும்
கூட்டுக. செய்தி : முன்னிலையேவலொருமை யெதிர்கால வினைமுற்று; இதில்
த் எழுத்துப் பேறு. தேறா : செங்யயா என்னும் வாய்பாட்டு
வினையெச்சம். (24)

     (இ - ள்.) திருநகர் தீர்த்தம் மூர்த்திச் சிறப்பு மூன்று - தலவிசேடம்
தீர்த்தவிசேடம் மூர்த்திவிசேடம் என மூன்றும், அந்த மூர்த்தி -
அப்பெருமை பொருந்திய சோமசுந்தரக் கடவுள் அருள் விளையாடல்
எட்டெட்டு - அருளினாற் புரிந்த திருவிளையாடல்கள் அறுபத்துநான்கும்,
அருச்சனை வினை ஒன்று -அருச்சித்த செயல் ஒன்றும், ஆக அறுபத்தெட்டு
ஆம் அவை - ஆக அறுபத்டெ்டாகிய அவைகளை, வரன்முறை -
முறைப்படியே, படலம் ஆக - படலங்களாக அமைத்து, விரிமுறை -
விரிந்தமுறையில், விருத்தச் செய்யுள்வகைமையால் - விருத்தமாகிய
செய்யுள்வகையினால், விளம்பல் உற்றேன் - கூறத் தொடங்கினேன் எ - று.

     சிறப்பு என்பதனைத் திருநகர், தீர்த்தம் என்பவற்றோடும் ஒட்டுக.
அறுபத்தெட்டு என்று கூறினும், தலவிசேடத்தின் முற்படக் கூறிய
பகுதிகளையும் சேர்த்தெண்ணிக் கொள்க, மற்று : அசை. விருத்தம் என்பது
கலித்துறை முதலியவற்றையும் குறிக்கும்; திருவிருத்தம் என்னும் வழக்கும்
ஓர்க. வகைமை, மை : பகுதிப்பொருள் விகுதி. மேற்பாட்டில் ‘பெறுதும்’
என்று பன்மையாற் கூறியது சார்புடை யாரையும் உளப்படுத்தி. இவை மூன்று
பாட்டும் குளகம். (25)

     (இ - ள்.) நாயகன் - முற்றறிவுடையனாகிய சிவபிரானின், கவிக்கும்
- திருப்பாசுரத்திற்கும், குற்றம் நாட்டிய - குற்றங்கூறி நிறுத்திய, கழகமாந்தர்
- சங்கப்புலவர்கள், மேய - பொருந்தியிருக்கப்பெற்ற, அத்தலத்தினோர்க்கு -
அந்த மதுரைமாநகரில் வசிப்போர்க்கு, என்வெள் அறிவு உரையில் - என்
வெண்மையான அறிவு பற்றிவந்த சொற்களில், குற்றம் ஆயுமாறு -
குற்றங்காணும் வழி. அரிது அன்றேனும் - அருமையுடைத்தன்றாயினும்,

     (பா - ம்.) * வெள்ளறிவுரை சொற்குற்றம்.