(இ - ள்.) மறைபயில் பதும மண்டபம் - வேதம் ஓதும் பதும
மண்டபமும், அருத்த மண்டபம் - அருத்த மண்டபமும், மழை நுழை -
முகிலில் நுழைகின்ற, வளைவாய் - வளைந்த வாயினையுடைய, பிறை பயில்
சினைமா மண்டபம் - பிறைமதி தவழும் முடியினையுடைய மகா மண்டபமும்,
அறுகால் பீடிகை - அறுகாற் பீடமும், திசை எலாம் பிளக்கும் - திசை
அனைத்தையும் பிளக்கின்ற ஒலியையுடைய, பறை பயில் நிருத்த மண்டபம்
- இயங்கள் இரட்டுகின்ற நிருத்த மண்டபமும், விழாக்கொள் - இறைவன்
திருவிழாக் கோலங்கொண்டருளும், பல் மணி மண்டபம் - பல மணிக
ளழுத்திய மண்டபமும், வேள்வித் துறை பயில்சாலை - பல துறைகளை
யுடைய வேள்விகள் செய்யும் யாக சாலைகளும், திருமடைப்பள்ளி -
திருமடைப்பள்ளியும், சூழ் உறை தேவர் தம் கோயில் - சுற்றிலும் வசிக்கும்
பரிவார தெய்வங்களின் கோயில்களும் எ - று.

     மழை நுழையும்படி உயர்ந்த மண்டபம் எனினுமாம். பிளப்பது போலும்
ஒலி. சூழ் - சூழ. தேவர் - கணபதி, கந்தர், சண்டேசர் முதலாயினார். (37)

     (இ - ள்.) வலவயின் - இறைவன் வலப்பாகத்தில், அமயவல்லி பொன்
கோயில் - இமயக்கொடியாகிய அங்கயற்கண்ணம்மைக்குப் பொன்னாலாகிய
திருக்கோயிலும், மாளிகை அடுக்கிய மதில் - திரு மாளிகை வரிசையை
யுடைய திருமதில்களும், வான் நிலவிய கொடி - ஆகாயத்தை அளாவிய
கொடிகளையும், நெடிய சூளிகைய - நீட் இறப்புக்களையுமுடைய, வால்
நிலாவிரி தவள மாளிகை - வெள்ளிய நிலாவை விரிக்கின்ற தவள