உய்யானம் - உத்தியானங்களும் ஆகிய இவைகளை, திரு நகர்க்கு
அணிபெறச் செய்து - செல்வ நிறைந்த நகரத்திற்கு அழகு பொருந்த
அமைத்து, மணி மலர்த் தாரோன் - அழகிய மலர்களாலாகிய மாலையை
அணிந்த பாண்டியன். தனக்கு மாளிகை அ மாநகர் வட குணபால் கண்டு -
தனக்கு அரண்மனை அந்தத் திருநகருக்கு வட கீழ்த் திசையில் அமைத்து,
அணிநகர் சாந்தி செய்வது குறித்தான் - அழகிய அந் நகருக்குச் சாந்தி
செய்தலைக் கருதினான்; அண்ணலார் அறிந்து இது செய்வார் - சோமசுந்தரக்
கடவுள் அதனை அறிந்து இதனைச் செய்வாராயினர் எ - று.

     துணி - தெளிந்த; ‘துணிநீர் மெல்லவல்’ என்னும் மதுரைக்காஞ்சி
யின் உரையை நோக்குக. கீழ்நீர்க் கூவல் - சுரப்புநீர்க் கேணியுமாம். (41)

     (இ - ள்.) பொன்மயமான சடைமதிக் கலையின் - பொன்மயமாகிய
தமது சடையிலுள்ள சந்திரகலையின், புது அமுது உகுத்தனர் - திய
அமுதத்தைச் சிந்தினர்; அதுபோய் - அவ்வமுதஞ் சென்று, சின்மயமான தம்
அடி அடைந்தார் - ஞானமயமாகிய அவ்விறைவருடைய திருவடிகள் தம்மை
அடைந்தவரை, சிவமயம் ஆக்கிய செயல்போல் - சிவ மயமாகச் செய்த
செய்கையைப்போல, தன்மயம் ஆக்கி - தனது (அமிர்த)மயமாக்கி, அ
நகர்முழுதும் சாந்திசெய்தது - அந்நகர் முழுதையும் தூய்மைசெய்தது; அது
நல்மதுரமயம் ஆனதன்மையால் - அவ்வமுதம் நல்ல மதுரமயமாகிய
தன்மையினால் (அந்நகருக்கு), மதுராநகர் என நாமம் உரைத்தனர் - மதுரை
மாநகர் எனப்பெயர் கூறினார் எ - று.

     சந்திரனிடத்து அமிழத முண்டென்பர். சின்மயம - ஞானமயம். அடியை
யடைந்தவரை அவர் சிவமயமாக்கிய செயல்போல் எனலுமாம். சாந்திசெய்தல்
வாலாமை நீக்கித் தூய்மை செய்தல். (42)