கண்ணுதல் : நுதலில் நாட்ட முடையோ னெனக் காரணக்குறி. பணி -
பணிதல் : முதனிலைத் தொழிற்பெயர். நூலறிவிற்குப் பயன் வாலறிவனது
நற்றாள் தொழலாகலின் பணிதல் கற்றானென்றார். மகவில்லாமையை வறுமை
யென்றார்;

என்பவாகலின். (4)

     (இ - ள்.) ஈறு இல் மறை கூறும் முறை - அழிவில்லாத மறைகள்
கூறிய முறையை, எண்ணி - ஆராய்ந்து (அதன்படி) ஒரு தொண்ணூற்று
ஆறினொடு மூன்று மகம் ஆற்ற தொண்ணூற்றொன்பது வேள்விகளைச்
செய்ய, அமரேசன் - தேவேந்திரனானவன், நூறு மகமும் புரியின் - நூறு
வேள்விகளையும் செய்து முடிப்பானாயின், நொடிப்பில் என் பதம் மாறும்
என - நொடிப்பொழுதில் எனது பட்டம் மாறுமேயென்று கருதி, மற்று
அதனை மாற்றி அது சாற்றும் - அவ் வேள்வியை விலக்கி இதனைக்
கூறுகின்றான் எ - று.

     முறையாலே எண்ணிச் செய்ய எனினுமாம். ஒரு, வழக்கு நோக்கியது.
பரிவேள்வி நூறு புரிந்தவன் இந்திரனாவன்; சதமகன் என்னும் பெயரும் அது
பற்றியது. நொடிப்பு : தொழிற்பெயர்; நொடித்தற்கண்; நொடியின் பின்
என்றுமாம். மற்று : வினைமாற்று. (5)

     (இ - ள்) நன்பொருள் விரும்பினை - நல்ல மகப்பேற்றை
விரும்பினாய்; அதற்கு இசைய - அவ்விருப்பத்திற்குப் பொருந்த, ஞாலம்
இன்பு உறு மகப் பெறும் மகத்தினை - உலகம் இன்பத்தை யடையும்
மகப்பெறுதற் கேதுவாகிய வேள்வியை, இயற்றின் - செய்தாயானால், அன்பு
உறு மகப் பெறுதி என்று - அன்புமிக்க பிள்ளையைப் பெறுவாயென்று கூறி,
அமரர் நாடன் - தேவேந்திரன், தன்புலம் அடைந்திடலும் - தனது
நாட்டினை யடைந்தவுடனே, நிம்பம் நகுதாரான் - வேப்ப மலர் விளங்கும்
மாலையையுடைய பாண்டியன் எ - று.

     ‘தம்பொரு ளென்பதம் மக்கள்’ என்பதனால் பிள்ளையைப் பொரு
ளென்றார். சிந்தாமணியில் ‘நன்பொருள்’ என்றும், திருத்தாண்டகத்துள்
‘ஒண்பொருள்’ என்றும் புதல்வன் கூறப்படுதலுங் காண்க. மாநிலத்து
மன்னுயிர்க் கெல்லா மினிது’ என்பவாகலின், ‘ஞாலமின் புறு’ மகவென்றார்.